جۇكتى ايەل امان-ەسەن بوساندى

ناۋرىزدىڭ سوڭعى كۇنى اۋدان ورتالىعىنان 90 شاقىرىم جەر­دەگى نۇراعا جويقىن سۋ جا­قىن­دادى, تۇرعىندار ەۆاكۋا­تسياعا دايىندالسىن دەگەن حابار جۇرتتى ابىگەرگە ءتۇستى. تاس­قىن سۋ انە-مىنە كەلىپ قالا­دى دەپ وتىرعاندا, ايى-كۇنى جەتىپ وتىرعان قالامقاس ەگىز ءسابيىن دۇنيەگە اكەلدى. بۇل ۋا­قىتتا ىرعىز بەن نۇرا ارا­سىن­داعى تاسجولدى سۋ شايىپ, قاتىناس ۇزىلگەندىكتەن, اۋدان­­داعى اكۋشەر-گينەكولوگ دا­­رىگەرلەردىڭ وسى اۋىلعا جە­تۋى مۇمكىن بول­مادى. نۇرا دارى­گەرلىك امبۋ­لا­تورياسىنىڭ ءۇش قىز­مەتكەرى تول­عاتقان ايەلدى امان-ەسەن بو­ساندىرىپ الدى. ىلە-شالا ىرعىز, تورعاي وزەندەرىندەگى سۋ دەڭگەيىنىڭ كوتەرىلۋىن اۋەدەن باقىلاپ جۇرگەن ت.بيگەلدينوۆ اتىنداعى اسكەري اۋە كۇشتەرى ينستيتۋتىنىڭ تىكۇشاعى نۇ­را­دان جاس بوسانعان انانى سابي­لەرىمەن اۋداندىق اۋرۋ­حاناعا جەتكىزدى. ىرعىز اۋدان­دىق اۋرۋ­حاناسىنىڭ اكۋشەر-گينەكولوگى كامشات سارسەنعا­ليەۆانىڭ ايتۋىنشا, ەگىزدەر مەن اناسىنىڭ جاعدايى جاقسى. نارەستەلەردىڭ ەكەۋى دە قىز بالا, بىرەۋىنىڭ سالماعى – 2 800 گ, ەكىنشىسىنىڭ سالماعى – 3 050 گ. ولار اۋداندىق اۋرۋ­حانادا تاسقىن سۋدىڭ بەتى قايت­قانشا ەم الادى. قالامقاس ساناۋلى ۋاقىت ىشىندە قاۋىپسىز جەرگە جەتكىزگەن ۇشقىشتار مەن تجد قىزمەتكەرلەرىنە العىسىن ءبىلدىردى.

تاسقىندا تۋعان سابيلەردىڭ ەسىمدەرى – ايساۋلە جانە جانساۋلە. كوپبالالى انانى ۇيىندە ءتورت پەرزەنتى كۇتىپ وتىر. ىرعىز اۋداندىق اۋرۋحاناسىندا ەم الىپ جاتقان قالامقاس پەن ەگىز ءسابيىنىڭ جاعدايىن دەنساۋلىق ساقتاۋ مينيسترلىگىنىڭ انا مەن بالا دەنساۋلىعىن ساقتاۋ دەپارتامەنتىنىڭ ماماندارى باقىلاپ وتىر. دەنساۋلىق ساقتاۋ مينيسترلىگىنىڭ مالىمەتىنە قاراعاندا, سۋ تاسقىنى كۇندەرى ەلىمىزدە 24 ايەل بوسانعان. قازىر ولاردىڭ جاعدايى تۇراقتى, سۋ تاسقىنىنان ەڭ قاتتى زارداپ شەككەن ايماقتاردا اۋرۋحاناعا جاتقىزىلعان بالالار جوق.

اقتوبە وبلىسى