فوتو: تجم
ءماجىلىس دەپۋتاتى ماقسات تولىقبايدىڭ ايتۋىنشا, التايدا قار ەندى عانا ەري باستاعاندىقتان, قاۋىپ سەيىلدى دەۋگە ءالى ەرتە. سوندىقتان سولتۇستىك قازاقستان, شىعىس قازاقستان جانە پاۆلودار وبلىستارىندا سۋ تاسقىنى قاۋپى ءالى دە ساقتالىپ وتىر.
سونداي-اق دەپۋتات ماقسات تولىقباي سۋ تاسقىنان زارداپ شەككەن وڭىرلەردى ازىق-ت ۇلىكپەن, ءدارى-دارمەكپەن جانە جەم-شوپپەن قامتاماسىز ەتۋ كەرەكتىگىن العا تارتتى.
«مارقاكول مەن قاتونقاراعايدا 2 مەتر قار جاۋىپ جاتقانىن قاپەردەن شىعارماڭىزدار. تورعايدا نە بولىپ جاتقانىن كوردىڭىزدەر. تۇرعىندار جۇرەتىن جالعىز جولدى سۋ باسىپ قالدى. تەك تىكۇشاقپەن جانە ۇلكەن تەحنيكامەن قوزعالۋعا بولادى. سوندىقتان وسى وڭىرلەردى قاجەتتى ازىق-ت ۇلىكپەن, ءدارى-دارمەكپەن, جەم-شوپپەن قامتاماسىز ەتۋدى ءجىتى نازاردا ۇستاۋ كەرەك», دەيدى دەپۋتات.
وسى ورايدا ماقسات تولىقباي بىرنەشە ۇسىنىس ايتتى:
- جاساندى كانالدار جاساۋ, اسا قاۋىپتى ايماقتاردا سۋ قويمالارىن سالۋ قاجەت. سونداي-اق تاۋدان اعاتىن ءىرى جانە ترانسشەكارالىق وزەندەر قار مەن جاڭبىر سۋىنان اسىپ كەتپەۋى ءۇشىن سورعىلاردى جىلجىتۋ كەرەك;
- توتەنشە جاعداي جاريالانعان ايماقتاردا ەڭبەك ەتەتىن شارۋالار ءۇشىن جەڭىلدىك قاراستىرۋ كەرەك, دالىرەك ايتقاندا اۋىل شارۋاشىلىعى نەسيەلەرىن وتەۋدى ءۇش جىلعا شەگەرسەك بولادى.
قىرمىزى جۇماعاليقىزى,
ەۇۋ ستۋدەنتى
