بۇگىنگى سوت وتىرىسىندا قۋاندىق بيشىمباەۆ 8-9 قاراشادا ورىن العان وقيعا تۋرالى ايتىپ جاتىر. تۇسىنىكتەمە بارىسىندا ايىپتالۋشى وقيعانىڭ قالاي وربىگەنىن ءتۇسىندىرۋ ءۇشىن فوتوسۋرەت قولدانۋدى سۇرادى. ال جابىرلەنۋشى تاراپ سوتتان تەك تەرگەۋ اياسىنداعى ماتەريالداردى قولدانۋدى سۇراعان.
كۇدىكتى مەن ادۆوكاتتارى كورسەتىلەتىن فوتوسۋرەتتەر «Bau» رەستورانىندا, قايعىلى وقيعانى تەرگەۋ بارىسىندا تۇسىرىلگەنىن العا تارتتى. دەسە دە, ولار سوت وتىرىسىنا قاتىسۋشىلاردىڭ كوز الدىنا 2024 جىلدىڭ ناۋرىز ايىندا تۇسىرىلگەن فوتوسۋرەتتەردى ۇسىنىپ, سوت پەن سوت وتىرىسىنا قاتىسۋشىلاردى شاتاستىرۋدى كوزدەگەندەي ارەكەت تانىتتى.
سايكەسىنشە سۋديا ايجان قۇلباەۆا قورعاۋشىلارعا ەسكەرتۋ جاسادى.
