فوتو: polisia.kz
26 جاستاعى قۇتقارۋشى باتىس قازاقستان وبلىسىنىڭ جالپاقتال كەنتىنىڭ ماڭىندا سۋ تاسقىنىنا قارسى ءىس-شارالاردى وتكىزۋ كەزىندە پىشاق جاراقاتىن العان.
«قۇدايعا شۇكىر, ءبىزدىڭ قىزمەتكەر قازىر اۋرۋحانادا, جاعدايى تۇراقتى. دارىگەرلەر قىزمەتكەردىڭ جاعدايى قالىپتى ەكەنىن ايتتى. زاڭ بۇزۋشىلار ۇستالدى, ولار ءوز كىناسىن مويىندادى», دەدى ب.سىزدىقوۆ.
بريفينگ بارىسىندا ءمينيستردىڭ ورىنباسارى قۇتقارۋشىعا شابۋىل جاساعان جەرگىلىكتى تۇرعىنداردىڭ وزدەرى جانجال شىعارعانىن ايتتى.
ء«بىزدىڭ قۇتقارۋشىلار وزەن جاعاسىندا تۇرىپ, ادامداردى ءبىر جاعالاۋدان ەكىنشى جاعالاۋعا قايىقپەن الىپ كەتتى. ەكى جەرگىلىكتى تۇرعىن ولارعا جاقىنداپ, جانجال شىعارا باستاعان. ەكى ماس كۇيىندەگى ادام توبەلەس شىعارىپ, قۇتقارۋشىنى پىشاقتاپ كەتكەن», دەدى ۆيتسە-مينيستر.
ەسكە سالايىق, بۇعان دەيىن باتىس قازاقستان وبلىسىندا قۇتقارۋشىنى پىشاقتاپ كەتكەنىن حابارلاعان ەدىك.
قىرمىزى جۇماعاليقىزى,
ەۇۋ ستۋدەنتى
