وبلىستىق پوليتسيا دەپارتامەنتى ءباسپاسوز قىزمەتىنىڭ اقپاراتىنا سۇيەنسەك, سۋ پوليتسياسىنىڭ قىزمەتكەرلەرى تۇرعىنداردى ەۆاكۋاتسيالاۋعا كومەككە كەلدى.
«تاسقىن سۋ قىزىلقوعا اۋدانىنىڭ ورتالىعى – ميالى اۋىلىنان شىعاتىن اينالما جولدى شايىپ كەتتى. قازىر جول قوزعالىسى توقتادى. سۋ پوليتسياسىنىڭ قىزمەتكەرلەرى 1 ساۋىردەن بەرى تايسويعان اۋىلىنان 100-دەن استام تۇرعىندى موتورلى قايىقپەن ەۆاكۋاتسيالادى. بۇگىن, 2 ساۋىردە تاڭعى ساعات 7-دەن بەرى كوزدىقارا ەلدى مەكەنىنەن 30-عا جۋىق تۇرعىندى ەۆاكۋاتسيالاۋ باستالدى», دەپ حابارلادى دەپارتامەنتتىڭ ءباسپاسوز قىزمەتى.
