بۇل تۋرالى قازاقستان پرەزيدەنتى قاسىم-جومارت توقاەۆ قىتايدىڭ حاينان پروۆينتسياسىندا وتكەن بواو ازيا فورۋمىندا سويلەگەن سوزىندە ايتتى.
«ورتالىق ازيادا بيداي ءوندىرۋ بويىنشا جەتەكشى ەل سانالاتىن قازاقستان ءوزىنىڭ اۋىل شارۋاشىلىعى سالاسىنداعى əلەۋەتىن جاھاندىق ازىق-ت ۇلىك تۇراقتىلىعىن قامتاماسىز ەتۋ ءۇشىن پايدالانۋعا نيەتتى. ءبىز ماقساتتى باعدارلامالار جاساۋ, بىرلەسكەن اگرويننوۆاتسيالىق ورتالىقتار قۇرۋ جəنە يننوۆاتسيالىق تەحنولوگيالار ترانسفەرتى ارقىلى حالىقارالىق ىنتىماقتاستىقتى نىعايتۋعا ءتيىسپىز. ول ءۇشىن كۇش جۇمىلدىرۋىمىز كەرەك», دەدى پرەزيدەنت.
ترانزيت-كولىكتىك ىنتىماقتاستىقتى كەڭەيتۋ ستراتەگياسى
قازاقستان كوشباسشىسى قاسىم-جومارت توقاەۆ قىتايدىڭ حاينان پروۆينتسياسىندا وتكەن بواو ازيا فورۋمىندا ازيا ەلدەرى اراسىنداعى ترانزيت-كولىكتىك ىنتىماقتاستىقتى كەڭەيتۋدىڭ ستراتەگيالىق ماڭىزىنا توقتالدى.
«قولدانىستاعى جانە جاڭا كولىك باعىتتارىن دامىتۋ ءۇشىن بارىنشا كۇش-جىگەر جۇمساۋ اسا ماڭىزدى. ترانسكاسپي حالىقارالىق كولىك باعىتى نەمەسە «ورتا ءدالىز» وسى ساناتقا جاتادى. اتالعان كولىك باعدارى ازيا مەن ەۋروپا اراسىنداعى جەتكىزۋ تىزبەگىنىڭ قاۋىپسىزدىگىن الدەقايدا ءتيىمدى قامتاماسىز ەتەدى. بىلتىر وسى باعىتتاعى جۇك تاسىمالى ەكى ەسە ارتىپ, 3 ميلليون تونناعا جەتتى. الداعى جىلدارى بۇل كورسەتكىش 10 ميلليون تونناعا جەتەدى دەگەن بولجام جاساپ وتىرمىز. سونداي-اق قازاقستان «سولتۇستىك – وڭتۇستىك» ءدالىزىن دامىتۋدا كورشى ەلدەرمەن ىنتىماقتاستىق ورناتۋعا دايىن», دەدى ق.توقاەۆ.
ساۋدا رەكوردتىق كورسەتكىشكە جەتتى
قازاقستان پرەزيدەنتى قاسىم-جومارت توقاەۆ بواو ازيا فورۋمىنىڭ ءححىىى سەسسياسىندا قازاقستان مەن قىتايدىڭ ەكىجاقتى تاۋار اينالىمى تاريحي رەكوردتىق كورسەتكىشكە جەتكەنىن جاريالادى.
قازىرگى كەزدە قازاقستان قىتايدىڭ ورتالىق ازياداعى نەگىزگى ساۋدا-ەكونوميكالىق سەرىكتەسىنە اينالدى. «قىتايدىڭ ايماقتاعى ساۋدا-ساتتىعى مەن سالعان ينۆەستيتسياسىنىڭ تەڭ جارتىسى قازاقستاننىڭ ۇلەسىنە تيەسىلى. بىلتىر قازاقستان مەن قىتاي اراسىنداعى تاۋار اينالىمى 41 ميلليارد دوللاردى قۇرادى. بۇل – تاريحي رەكوردتىق كورسەتكىش», دەدى ق.توقاەۆ.
بىلتىر ەكى ەل اراسىنداعى جۇك تاسىمالى 22 پايىزعا ارتىپ, شامامەن 30 ميلليون تونناعا جەتتى. وسى ورايدا پرەزيدەنت قحر توراعاسى سي ءتسزينپيننىڭ ء«بىر بەلدەۋ, ءبىر جول» اۋقىمدى مەگاجوباسىن ون جىلدان استام ۋاقىت بۇرىن قازاقستانعا جاساعان ساپارى كەزىندە تانىستىرعانىن دا ەسكە الدى. اتالعان جوبا شىعىس پەن باتىس اراسىنداعى نەگىزگى كوپىر قىزمەتىن اتقارادى, ال قىتايدان ەۋروپاعا قۇرلىق جولىمەن تاسىمالداناتىن جۇكتىڭ 80 پايىزى قازاقستان اۋماعى ارقىلى وتەدى.
«بۇل ماڭىزدى ارتىقشىلىقتى ءبىز تولىققاندى پايدالانۋعا ءتيىسپىز. ءبىزدىڭ ءوز ينۆەستيتسيامىز دا ء«بىر بەلدەۋ, ءبىر جول» باستاماسىمەن ستراتەگيالىق تۇرعىدان ساباقتاس ءارى زاماناۋي, مۋلتيمودالدى, ەكولوگيالىق تۇرعىدان قاۋىپسىز جانە ورنىقتى ينفراقۇرىلىم قۇرۋعا باعىتتالعان», دەدى پرەزيدەنت.
قازاقستان KAIYI اۆتوموبيلدەرىن شىعارا باستايدى
قازاقستاندىق «Orbis Manufacturing» كولىك كومپانياسى الماتىنىڭ ونەركاسىپتىك ايماعىندا قىتايلىق KAIYI برەندىمەن اۆتوموبيل شىعاراتىن تولىق تسيكلدى زاۋىت سالۋدى جوسپارلاپ وتىر.
استاناداعى قازاقستاندىق ەكسپورتتاۋشىلاردىڭ ەكىنشى فورۋمىندا «وربيس قازاقستان» ەنشىلەس كومپانياسى قىتايلىق «Yibin Kaiyi Automobile Co» كومپانياسىمەن ىنتىماقتاستىق تۋرالى مەموراندۋمعا قول قويدى.
ء«بىز جەتەكشى قىتاي برەندتەرىنىڭ جوعارى تەحنولوگيالىق اۆتوموبيلدەرىن ءوندىرۋدى ۇيىمداستىرۋعا شامامەن 72 ملرد تەڭگە (160 ملن دوللار) ينۆەستيتسيا سالۋدى جوسپارلاپ وتىرمىز», دەدى «وربيس قازاقستان» كومپانياسىنىڭ پرەزيدەنتى سۋحراب ماحمۋدوۆ.
«وربيس قازاقستاندا» قازىر وندىرىستىك جەلىنىڭ جوبالاۋ-سمەتالىق قۇجاتتاماسى بويىنشا جۇمىس اياقتالىپ جاتىر. زاۋىتتىڭ وندىرىستىك قۋاتى جىلىنا 80,00 اۆتوموبيل دەڭگەيىندە جوسپارلانعان. باستاپقىدا زاۋىتتا 1500 جۇمىس ورنى اشىلادى.
