فوتو: med.mcfr.kz
ۇكىمەتتىڭ مالىمەتىنشە, مەديتسينالىق ۇيىمدار كۇشەيتىلگەن رەجيمدە جۇمىس ىستەپ جاتىر.
«دارىگەرلەر مەن جەدەل مەديتسينالىق جاردەم بريگادالارى قوسىمشا تارتىلادى. بارلىق ەۆاكۋاتسيالانعاندار دارىگەرلەردىڭ باقىلاۋىندا, ولاردىڭ جاعدايى تۇراقتى, قانداي دا ءبىر جاراقات الۋ تۋرالى شاعىمدار تۇسكەن جوق. جۇكتى ايەلدەر مەن بالالاردىڭ جاعدايىنا باقىلاۋ جۇرگىزىلەدى. بوسانۋ ۋاقىتى تاياعان ايەلدەر اۋداندىق جانە وبلىستىق ورتالىقتارعا كوشىرىلدى», دەپ جازىلعان حابارلامادا.
سونىمەن قاتار دەنساۋلىق ساقتاۋ مينيسترلىگىندە جاعدايدىڭ كۇندەلىكتى مونيتورينگى جۇرگىزىلىپ جاتىر. سۋ تاسقىنىنان زارداپ شەككەن وڭىرلەردىڭ تۇرعىندارى ءۇشىن مەديتسينالىق جانە پسيحولوگيالىق كومەكتىڭ قوسىمشا بريگادالارىن اشۋ ءۇشىن قىزمەتتەردىڭ دايىندىعى قامتاماسىز ەتىلدى.
«حالىقتى ۋاقىتشا جيناۋ پۋنكتتەرىندە تاۋلىك بويعى مەديتسينالىق پوستتاردىڭ جۇمىسى قامتاماسىز ەتىلدى, دارىلىك زاتتار مەن مەديتسينالىق بۇيىمداردىڭ قاجەتتى قورلارى دايىندالدى. بارلىق وڭىرلەردە سانيتاريالىق-ەپيدەميولوگيالىق احۋالدى باقىلاۋ جانە مونيتورينگ كۇشەيتىلدى. سونىمەن قاتار جەرگىلىكتى جەرلەردە دەنساۋلىق ساقتاۋ ماسەلەلەرى بويىنشا بايلانىس ورتالىقتارىنىڭ جۇمىسى بىرىڭعاي الگوريتممەن تاۋلىك بويى جۇمىس ىستەۋ رەجيمىنە اۋىستىرىلدى», دەپ حابارلادى ۇكىمەتتىڭ ءباسپاسوز قىزمەتىنەن.
سۋ تاسقىنىنان زارداپ شەككەن وڭىرلەر تۇرعىندارى دەنساۋلىق ساقتاۋ باسقارمالارىنىڭ Call-ورتالىقتارى بويىنشا كەلەسى نومىرلەرگە جۇگىنە الادى:
اقتوبە وبلىسى (+7 (7132) 41 02 13)
قوستاناي وبلىسى (+7 (7142) 52 40 70)
باتىس قازاقستان وبلىسى (+7 (7112) 24 00 06)
قاراعاندى وبلىسى (+7 (7212) 95 55 59)
اباي وبلىسى (+7 (7222) 56 64 50)
ۇلىتاۋ وبلىسى (+7(7102) 99 95 09)
اقمولا وبلىسى (109)
