فوتو: 7kun.kz
ەكولوگيالىق رەتتەۋ جانە باقىلاۋ كوميتەتىنىڭ مالىمەتىنشە, 2022 جىلى «North Caspian Operating Company» (NCOC) كومپانياسىنىڭ تەڭىز كەشەنىنە تەكسەرۋ جۇرگىزىلگەن. سونىڭ ناتيجەسىندە بىرنەشە بۇزۋشىلىق انىقتالعان. ونىڭ ىشىندە ەكولوگيالىق تالاپتاردى بۇزۋ, ەكولوگيالىق رۇقساتسىز كۇكىرتتى گازدى جاعۋ, وندىرىستىك سۋلاردى كاسپي تەڭىزىنە تازارتۋسىز اعىزۋ فاكتىلەرى بار.
«NCOC كومپانياسىنا قاتىستى 5 اكىمشىلىك ءىس قوزعالدى. اكىمشىلىك ىستەر اتىراۋ قالاسىنىڭ اكىمشىلىك قۇقىق بۇزۋشىلىق جونىندەگى مامانداندىرىلعان سوتىندا قارالدى. بيىلعى اقپان ايىندا اتىراۋ قالاسى سوتىنىڭ اپەللياتسيالىق ساتىسىمەن كومپانياعا 12 ملرد 419 ملن تەڭگە كولەمىندە ايىپپۇل سالىندى. ايىپپۇل تولىق كولەمدە تولەندى», دەپ حابارلادى اتالعان كوميتەتتەن.
قازىر بۇزۋشىلىقتاردى جويۋ تۋرالى بۇيرىق جوعارعى سوتتا قارالىپ جاتىر. دەگەنمەن, استانا قالاسى سوتىنىڭ 1-ءشى جانە 2-ءشى ساتىسىندا نۇسقاما زاڭدى جانە نەگىزدەلگەن دەپ تانىلعان.
