ينۆەستورلارعا كومىرسۋتەكتەردى گەولوگيالىق بارلاۋ سالاسىنداعى تاۋارلاردى ساتىپ الۋ ءتارتىبىن بەكىتۋ قۇقىعىن بەرۋ تۋرالى ماسەلەلەر تالقىلاندى. بۇل ەرەجەلەر قاجەتتى گەولوگيالىق بارلاۋ جۇمىستارىن جىلدام جۇرگىزۋگە جانە كەن ورىندارىن ونەركاسىپتىك يگەرۋگە ەنگىزۋگە مۇمكىندىك بەرەدى.
سونداي-اق رەسپۋبليكا اۋماعىنداعى اەروگەوفيزيكالىق جۇمىستاردىڭ جوباسى تۋرالى ماسەلە قارالدى. بۇل – ەل اۋماعىن گەوفيزيكالىق كارتاعا ءتۇسىرۋدىڭ قولجەتىمدى جانە جەدەلدەتىلگەن قۇرالى.
وتىرىستا سونداي-اق گەولوگيالىق-گەوفيزيكالىق زەرتتەۋلەر سالاسىنداعى جەكەلەگەن ينۆەستيتسيالىق جوبالاردىڭ پروبلەمالىق ماسەلەلەرى قارالدى. تالقىلاۋ قورىتىندىسى بويىنشا جاۋاپتى مەملەكەتتىك ورگاندارعا تاپسىرمالار بەرىلدى.
وڭىرلىك دەڭگەيدە باتىس قازاقستان وبلىسى اكىمدىگىنىڭ ينۆەستيتسيالار تارتۋ جونىندەگى جۇمىسى قارالدى. 2023-2029 جىلدارعا ارنالعان نىسانالى ينديكاتورلارعا قول جەتكىزۋ ءۇشىن 80 جوبادان تۇراتىن ينۆەستيتسيالىق پۋل قالىپتاستىرىلدى. 2023 جىلى 45 جوبا ىسكە قوسىلدى, ونىڭ ىشىندە مەديتسينالىق ورتالىقتار, كىرپىش زاۋىتى, اسفالت-بەتون زاۋىتى, قوناقۇي قۇرىلىسى, سونداي-اق كاتۋشكالار مەن جۇمساق كونتەينەرلەرگە ارنالعان فلانەتستەر ءوندىرىسى سياقتى ءىرى جوبالاردى اتاپ وتۋگە بولادى.
