فوتو: vlast.kz
سەنات وتىرىسىندا باق وكىلدەرى ۆيتسە-ءمينيستردىڭ ورىنباسارىنان موپەدتەر مەن ەلەكتروساموكاتتاردىڭ ماسەلەسى الداعى ۋاقىتتا قالاي رەتتەلەتىنىن سۇرادى.
«قازىر تۇزەتۋلەردىڭ ەكىنشى پاكەتى بار, ولار قابىلدانعاننان كەيىن تۇبەگەيلى وزگەرىستەر بولادى. بىرىنشىدەن, قوزعالتقىش كولەمىنە قاراماستان بارلىق موپەدتەر كولىك قۇرالىنا جاتقىزىلادى جانە ولاردى جۇرگىزۋ ءۇشىن ا1 ساناتىنداعى جۇرگىزۋشى كۋالىگى قاجەت. تيىسىنشە, ءبىز بۇل موپەدتەردىڭ بارلىعىن تىركەيتىن بولامىز», دەدى يگور لەپەحا.
ۆيتسە-ءمينيستردىڭ ورىنباسارى ەلەكتروساموكات جۇرگىزۋشىلەرى ءىس جۇزىندە ەشقانداي جاۋاپكەرشىلىك ارقالامايتىنىن تىلگە تيەك ەتتى.
«بۇل پاكەتتە تاعى ءبىر وتە ماڭىزدى نورما بار, ەندى اكىمدەر ساموكاتتاردىڭ قىزمەتىن رەتتەي الادى. دالىرەك ايتقاندا, ولار وزدەرىنىڭ قوسىمشا ەرەجەلەرىن بەلگىلەي الادى: قايدا قوزعالۋعا بولادى, قايدا قوزعالۋعا بولمايدى, ولاردىڭ قوزعالىسىنا قاي ۋاقىتتا تىيىم سالۋ كەرەك», دەپ ءتۇسىندىردى سپيكەر.
ەستەرىڭىزگە سالا كەتەيىك, 2023 جىلدىڭ تامىز ايىندا قازاقستاندا ەلەكتروساموكات تۋرالى جاڭا زاڭ كۇشىنە ەندى.
قىرمىزى جۇماعاليقىزى,
ەۇۋ ستۋدەنتى
