«سۋ تاسقىنى بولىپ جاتقان اۋداندارعا پوليتسيانىڭ ارنايى شۇعىل ءىس-قيمىل جاساعىنىڭ, ارنايى جانە ءموبيلدى دايىندىق باسقارماسىنىڭ, سونداي-اق جەرگىلىكتى پوليتسيانىڭ 40 قىزمەتكەرى, 7 تەحنيكا, 2 قايىق جىبەرىلدى. كومەككە كەتكەن پوليتسەيلەر تۇرعىنداردى ەۆاكۋاتسيالاپ, ولاردىڭ مۇلكىن توناۋدان قورعاۋدى قامتاماسىز ەتەتىن بولادى. جاعداي ۋشىعىپ بارا جاتسا, رەزەرۆتە دايىن تۇرعان پد اپپاراتىنىڭ قىزمەتكەرلەرى مەن 66/97 ءاب اسكەري قىزمەتشىلەرى دە سۋ باسىپ جاتقان اۋداندارعا اتتانادى», دەپ حابارلادى وبلىستىق پد-ءنىڭ ءباسپاسوز قىزمەتى.
قازىر امانگەلدى اۋدانىنداعى قۇتقارۋ كۇشتەرىنىڭ قۇرامىندا پوليتسيانىڭ 15 قىزمەتتىك كولىگى مەن 45 قىزمەتكەرى جۇمىس ىستەپ جاتىر.
