فوتو: الماتى وبلىسى اكىمدىگى
تالعات ەسكەندىر ۇلى 1972 جىلى تۋعان, قازاق, ءبىلىمى جوعارى, 1998 جىلى قازاق مەملەكەتتىك باسقارۋ اكادەمياسىن بىتىرگەن.
ەڭبەك جولىن 1992 جىلى الماتى وبلىسى كەگەن اۋدانى جالاڭاش اۋىلىندا «توعىزبۇلاق» كولحوزىندا باستاعان.
ءار جىلدارى «قازاقستان تەمىر جولى» رەسپۋبليكالىق مەملەكەتتىك كاسىپورنىنىڭ «الماتى» قارجى-ەكونوميكالىق ورتالىعىنىڭ ەسەپشىسى, سالىق ەسەبى جانە باقىلاۋ ءبولىمىنىڭ ەكونوميسى, «كازپوچتا» اكتسيونەرلىك قوعامىنىڭ ىلە اۋداندىق پوشتا بايلانىسى تورابىنىڭ باستىعى, رايىمبەك اۋدانى قارابۇلاق سەلولىق وكرۋگىنىڭ اكىمى, رايىمبەك اۋدانى اكىمى اپپاراتىنىڭ باسشىسى, رايىمبەك اۋدانى اكىمىنىڭ ورىنباسارى, كەگەن اۋدانىنىڭ اكىمى لاۋازىمدارىن اتقارعان.
2023 جىلدىڭ ناۋرىز ايىنان الماتى وبلىستىق ءماسليحاتىنىڭ توراعاسى بولدى.
«ەرەن ەڭبەگى ءۇشىن» مەدالىمەن ماراپاتتالعان.
ەڭبەكشىقازاق اۋدانىنىڭ اكىمى بولىپ سايلانعان تالعات ەسكەندىر ۇلىن اۋدان اكتيۆىمەن تانىستىرعان ءوڭىر باسشىسى مارات سۇلتانعازيەۆ جاڭا لاۋازىم يەسىنە سەنىم ارتا وتىرىپ, زور مىندەتتەر جۇكتەدى.
