فوتو: pixabay.com
ءماجىلىس دەپۋتاتى ەلنۇر بەيسەنباەۆ بىرقاتار تۇلعالارعا ءباس تىگۋگە تىيىم سالۋ تۋرالى زاڭ جوباسى اۆتورلارىنىڭ ۇسىنىستارىن جەتكىزدى.
«وتەلمەگەن اليمەنتتىك جانە نەسيەلىك قارىزى بار ازاماتتاردىڭ قۇمار ويىنعا ءباس تىگۋ قۇقىعى شەكتەلەدى. ياعني بورىشكەرلەردىڭ بىرىڭعاي رەەسترىندە مالىمەتتەرى بار 25 جاسقا دەيىنگى جەكە تۇلعالاردى قۇمار ويىندارعا جانە ءباس تىگۋگە جىبەرۋگە تىيىم سالۋ بەلگىلەنەدى», دەدى دەپۋتات.
ەلنۇر بەيسەنباەۆ, سونداي-اق, مەملەكەتتىك قىزمەتكەرلەرگە كازينو ويناۋعا تىيىم سالۋ تۋرالى تۇزەتۋ ەنگىزىلگەنىن مالىمدەدى.
«وسى زاڭ جوباسى اياسىندا ءبىز مەملەكەتتىك قىزمەتكەرلەردىڭ كازينو ويناۋىنا تىيىم سالۋ تۋرالى نورمانى قاراستىرىپ جاتىرمىز. مۇنداي تۇزەتۋ بار. بىراق ولاردىڭ بۋكمەكەرلىك كەڭسەلەرگە ءباس تىگۋىن شەكتەۋ تۋرالى ورتاق كەلىسىمگە قول جەتكىزگەن جوق ەدىك. وسى تۇزەتۋدە بۇل نورمالاردى قابىلداۋ كەرەك», دەدى ەلنۇر بەيسەنباەۆ.
