جەدەل كەڭەس جاساپ, ارنايى وكىل جىبەرۋگە شەشىم قابىلدادى

ەقىۇ-نىڭ ءىس باسىنداعى توراعاسى قازاقستان رەسپۋبليكاسىنىڭ مەملەكەتتىك حاتشىسى – سىرتقى ىستەر ءمينيسترى قانات ساۋداباەۆ 12 ماۋسىمدا قىرعىز رەسپۋبليكاسىنىڭ ۋاقىتشا ۇكىمەتىنىڭ باسشىسى ر.وتۋنباەۆامەن تەلەفون ارقىلى سويلەستى. ق.ساۋداباەۆ وش قالاسىنداعى ءتارتىپ بۇزۋشىلىق كەزىندە قازا بولعان جانە جاراقات العان كوپ­تەگەن ادامداردىڭ قايعىسىنا بايلانىستى تەرەڭ كوڭىلىن ءبىل­دىرىپ, جالعاسىپ وتىرعان زورلىق-زومبىلىققا قاتتى الاڭداۋشى­لىعىن جەتكىزدى. سول كۇنى ق.ساۋداباەۆ بۇۇ باس حاتشىسى پان گي مۋنمەن, ەو-نىڭ حالىقارالىق قاتىناس­تار جونىندەگى جوعارعى وكىلى ك.ەشتونمەن, ەو-عا توراعالىق ەتۋشى يسپانيانىڭ سىرتقى ىستەر ءمينيسترى م.موراتينوسپەن, رەسەي سىرتقى ىستەر ءمينيسترى س.لاۆروۆپەن, تۇركيا سىرتقى ىستەر ءمينيسترى ا.داۋىتوعلىمەن تەلەفون ارقىلى سويلەستى. قىرعىزستاننىڭ وڭتۇستىگىندە ورىن العان جاعداي تۋرالى كەڭ پىكىر الماستى. ەقىۇ-نىڭ ءىس باسىنداعى توراعاسى اڭگىمەلەسۋشى تاراپتارعا ءوزىنىڭ ارنايى وكىل­دەرى – قر پارلامەنتى ءماجىلىسى­ توراعاسىنىڭ ورىنباسارى ءجانى­بەك كارىبجانوۆ پەن ۆەنا­داعى ەقىۇ حاتشىلىعىنىڭ قاقتى-عىستاردىڭ الدىن الۋ ءجو­نىن­دەگى ورتالىعىنىڭ جەتەك­شىسىن قىر­عىز­ستانعا جىبەرۋ تۋرالى شەشىم قا­بىل­داعانىن ايتتى. ءوز كەزەك­تە­رىن­دە بۇۇ مەن ەو جەتەك­شىلەرى جا­قىن ارادا وزدەرىنىڭ ارنايى وكىل­دەرىن قىرعىزستانعا جىبەرۋگە دا­يىن ەكەندىكتەرىن ءبىل­دىردى. ج.كا­رىبجانوۆتىڭ ءۇي­لەس­تىرۋ مەن قىر­عىزستانداعى جاع­داي­دى وڭال­تۋ­داعى ىنتىماقتاس­تىقتا تاجىريبە جيناپ ۇلگەرگەن­دىكتەرىن اتاي وتى­رىپ, تاراپتار الداعى ۋاقىتتا دا كۇش­تەرىن بىرىگىپ جۇمىلدىرۋدا تى­عىز بايلانىس ۇستاپ وتىرۋعا كەلىستى. قازاقستان جانە ونىڭ پرەزي­دەنتى ن.نازارباەۆ كورشىلەس ەل­دەگى ساياسي داعدارىستىڭ العاشقى كۇندەرىنەن باستاپ جاعدايدى رەتتەۋگە كومەك كورسەتۋدە جانە قازىرگى تۋىنداعان قيىن جاعدايدا دا بارلىق قاجەتتى شارالاردى ەكى جاقتى نەگىزدە دە, ەقىۇ ءىس باسىن­داعى توراعاسى رەتىندە دە قابىلدايتىنىن مالىمدەدى, دەدى ق.ساۋداباەۆ.