فوتو: massaget.kz
2014 جىلى جاسوسپىرىمدەر اراسىنداعى ەكىنشى جازعى وليمپيادا ويىندارىندا چەمپيون اتانعان ەركىن كۇرەس بالۋانى مۇحامبەت قۋاتبەك 27 جاسىندا دۇنيەدەن ءوتتى. وسى ورايدا سىرتقى ىستەر مينيسترلىگىنىڭ وكىلى ايبەك سماديار قايتىس بولعان سپورتشىنىڭ دەنەسى ەلگە قاشان جەتكىزىلەتىنىن ايتتى.
«2024 جىلعى 19 ناۋرىزدا فيلادەلفيا قالاسىندا قازاقستان ازاماتى قايتىس بولعانى تۋرالى اقپارات كەلىپ ءتۇستى. وتانداسىمىزدىڭ دەنەسى 16 ناۋرىزدا فيلادەلفيا قالاسىنىڭ ءمايىتحاناسىنا جەتكىزىلدى. فيلادەلفيا قالاسىنىڭ سوت-مەديتسينالىق كەڭسەسىنىڭ مالىمەتى بويىنشا ءولىم جۇرەكتىڭ توقتاپ قالۋىنان بولعان. ناقتى اقپاراتتى كۇتىپ وتىرمىز. قازاقستاننىڭ كونسۋلى قايتىس بولعان ازاماتىمىزدىڭ تۋىستارىمەن بايلانىس ورناتتى. قازىرگى ۋاقىتتا ءمايىتتى قازاقستانعا جەتكىزۋ بويىنشا ءىس-شارالار ۇيىمداستىرىلىپ جاتىر», دەدى ايبەك سماديار.
ايتا كەتسەك, مۇحامبەت قۋاتبەك تۇركىستان وبلىسىنىڭ تۋماسى ەدى.