فوتو: gov.kz
سايكەسىنشە, سەكتسيالاردا دەنە شىنىقتىرۋ جانە سپورتپەن اينالىساتىنداردىڭ جالپى سانىنىڭ 8,7% قۇرادى. قازىرگى تاڭدا ۇلتتىق سپورت بويىنشا 1 488 جاتتىقتىرۋشى جۇمىس ىستەيدى, ونىڭ ىشىندە 928 باپكەر اۋىلدىق جەرلەردە ەڭبەك ەتەدى. ەلىمىزدە جىل سايىن قازاق كۇرەسى, توعىزقۇمالاق, اسىق اتۋ, كوكپار, بايگە, تەڭگە ءىلۋ, جامبى اتۋ, اۋدارىسپاق, قۇسبەگىلىك, ءداستۇرلى ساداق اتۋ, جەكپە-جەك سياقتى رەسمي تۇردە ۇلتتىق سپورت تۇرلەرىنىڭ تىزىمىنە ەنگەن سپورت تۇرلەرى بويىنشا ءتۇرلى دەڭگەيدەگى (حالىقارالىق دەڭگەيدەن اۋىلدىق دەڭگەيگە دەيىن) مىڭنان استام جارىس وتكىزىلىپ كەلەدى.
بۇگىندە رەسپۋبليكادا 12 سپورت كلۋبى جانە ۇلتتىق سپورت تۇرلەرى بويىنشا 13 سپورت مەكتەبى بار. سونىمەن قاتار رەسپۋبليكالىق دەڭگەيدەگى ۇلتتىق قۇراما كوماندالارىنىڭ سپورتشىلارىن دايارلايتىن ۇلتتىق جانە ات سپورتى ورتالىعى جانە ۇلتتىق سپورت تۇرلەرى بويىنشا 10 فەدەراتسيانىڭ باسىن قوساتىن قاۋىمداستىق جۇمىس ىستەيدى. سونداي-اق قازاق كۇرەسى جانە جەكپە-جەك فەدەراتسياسى بار.
