سونىڭ ەڭ وزەكتىسى – حالقىمىزدىڭ بەرەكە-بىرلىگىن ساقتاۋ. ەل اعالارى اراسىنداعى اۋىزبىرلىك ۇرپاققا ونەگە. ءبىز ءوزىمىز جاستار تاربيەسىنە ەرەكشە ءمان بەرىپ وتىرعاندىقتان, ولاردىڭ ادال ادام بولىپ قالىپتاسۋىنا, سانالى تاربيە الىپ, جاقسى وقىپ, ادال ەڭبەك ەتىپ, ادال تابىس تابۋىنا مەيلىنشە ىقپال ەتۋىمىز كەرەك.
اتىراۋ تورىندە وتكەن قۇرىلتايدىڭ ءۇشىنشى وتىرىسىندا پرەزيدەنت قاسىم-جومارت توقاەۆ بىرقاتار قۇندىلىققا توقتالدى. بۇل قۇندىلىقتاردىڭ الدىڭعى قاتارىندا – تاريحىمىزدى تۇگەندەۋ, ءتىلىمىزدى دامىتۋ, مادەني مۇرانى دارىپتەۋ, ءدىن ماسەلەسى, وتانشىل ازاماتتار تاربيەسى, ەكونوميكامىزدىڭ دۇنيەجۇزىلىك باسەكە قابىلەتتىلىگىن ارتتىرۋ, زاڭ جانە ءتارتىپ تۇر. سايىپ كەلگەندە مۇنىڭ ءبارى – ەلىمىزدە ءادىل قوعام ورناتۋدىڭ, وزىق دامىعان مەملەكەت قۇرۋدىڭ العىشارتتارى. ول ءۇشىن نە كەرەك؟
ءبىزدىڭ جاستارىمىز جاڭاشا ويلاي بىلگەنى ابزال. اسىرەسە ءبىلىم جانە عىلىم سالاسىن دامىتۋدىڭ بۇگىنگى تاڭدا ورنى بولەك. قازىر الەم دامۋدىڭ جاڭا ساتىسىنا قادام باستى. مۇنداي ساتتە عىلىم ءبىزدىڭ ومىرىمىزدە نەگىزگى ءرول اتقارادى. قوعامنىڭ دامۋىنا, تەحنولوگيانىڭ العا جىلجۋىنا جانە ادام ءومىرى مەن تۇرمىس جاعدايىن جاقسارتۋعا مول مۇمكىندىك تۋدىرادى. عىلىمنىڭ ماڭىزىن تەرەڭ ءتۇسىنۋ, عىلىمي زەرتتەۋلەردى ودان ءارى قولداۋ جانە دامىتۋ – ادامزاتتىڭ بولاشاعىنا قاجەتتى باستى شارتتىڭ ءبىرى.
ەلىمىزدە تالانتتى جاستار بارشىلىق. ۋنيۆەرسيتەتىمىزدە الەمدىك دەڭگەيدە تانىلا باستاعان جاس عالىمدارىمىز بۇل جيىننان قۇنارلى ءنار الىپ, ءسوز جوق, ەداۋىر سەرپىلىستىڭ قاينار باستاۋىندا تۇرعانداي اسەردى سەزىندىرەدى. ەل بولاشاعى – جاستاردىڭ قولىندا. دەمەك ورتاق ماقساتقا ۇيىسقان ۇلتتىڭ ەرتەڭى – جاستار ەكەنىن قاداپ ايتۋىمىز كەرەك. قۇرىلتايدىڭ باسىم باعىتى وسى بولسا كەرەك.
ەرلان سىدىقوۆ,
ل.ن.گۋميلەۆ اتىنداعى ەۇۋ رەكتورى
