فوتو: ۇكىمەت تەلەگرام ارناسى
پرەمەر-مينيستر ۇكىمەت الدىندا سالىقتىق جانە كەدەندىك اكىمشىلەندىرۋدىڭ تيىمدىلىگىن ارتتىرۋ باعىتىندا ماڭىزدى مىندەت تۇرعانىن, وعان جەتۋدىڭ ەڭ وڭتايلى جولى – بارلىق پروتسەستى بارىنشا تسيفرلاندىرۋ ەكەنىن اتاپ ءوتتى.
«بۇعان دەيىن ۇسىنىلعان تاسىلدەرگە قاتىستى ورىندى سىن ايتىلعان بولاتىن. بيزنەس پەن قوعام بۇل قۇجاتتان وڭ وزگەرىستەر كۇتۋدە. ەڭ باستىسى, ول اشىق, بارىنە تۇسىنىكتى جانە ۇيلەسىمدى بولۋى كەرەك. الايدا كودەكستى ازىرلەۋ سوزىلىپ بارادى. بۇل جۇمىستى جەدەل اياقتاۋدى تاپسىرامىن. جاڭا كودەكستە ازاماتتاردىڭ مەملەكەتتىك كىرىستەر ورگاندارىنىڭ جۇمىسى مەن ارەكەتسىزدىگىنە, قوسىلعان قۇن سالىعىن قايتارۋدى كەشىكتىرۋگە, مامىلەلەردى جارامسىز دەپ تانۋعا جانە ت. ب. ماسەلەلەرگە قاتىستى ارىز-شاعىمدارىن ەسكەرۋ كەرەك. اكىمشىلەندىرۋدىڭ سەرۆيستىك مودەلىنە نازار اۋدارۋ قاجەت», دەدى و.بەكتەنوۆ.
سونداي-اق بيىل سالىق جانە كەدەندىك اقپاراتتىق جۇيەلەردى ينتەگراتسيالاۋ اياقتالادى. 14 جۇيەنىڭ ورنىنا تەك 5 جۇيە جۇمىس ىستەيدى.
ء«بىز تۇبەگەيلى جاڭا بىرىڭعاي تسيفرلىق جۇيەنى ازىرلەپ جاتىرمىز. ول ومىرلىك تسيكلدىڭ بارلىق كەزەڭدەرىندە بيزنەستى سۇيمەلدەۋدىڭ سەرۆيستىك مودەلىنە اينالادى جانە كاسىپكەرلەرگە تۇسەتىن اكىمشىلىك جۇكتەمەنى ايتارلىقتاي ازايتادى», دەدى قارجى ءمينيسترى.
