فوتو: arfc.kz
سەكتسيالاردا جۇمىستارىمىزدىڭ نەگىزگى باعىتتارى قامتىلىپ, ماقسات-مۇراتتارىمىز بەن باستامالارىمىزدى ءوز ارامىزدا اشىق تالقىعا سالدىق. مەنىڭشە, قۇرىلتايدىڭ باسقا كونسۋلتاتيۆتىك-كەڭەستىك ورگانداردان باستى ەرەكشەلىكتەرىنىڭ ءبىرى دە وسىندا.
سەكتسيا وتىرىستارىندا جەمىستى جانە پايدالى پىكىر الماسۋ ءوربىدى. سەكتسيا مودەراتورلارى بولعان الەۋمەتتىك بلوكتىڭ سالالىق باسشىلارىمەن بىرگە قۇرىلتاي جوبالارىن ىسكە اسىرۋدىڭ جەكەلەگەن ماسەلەلەرىن تىكەلەي جانە بىردەن سول جەردە ناقتىلاۋعا مۇمكىندىك الدىق.
اتىراۋدا وتكەن سەكتسيالار بارىسىندا كوپتەگەن تىڭ باستاما ايتىلدى. جالپىۇلتتىق قۇندىلىقتاردى ىلگەرىلەتۋدىڭ ماڭىزدىلىعى مەن قاجەتتىلىگى ءسوز بولدى. قۇرىلتايعا جينالعاندار ۇلتىمىزدى بىرىكتىرەتىن قاعيداتتاردىڭ ناقتى ءتىزىمىن قالىپتاستىرۋدى باستى مىندەتتەرىنىڭ ءبىرى سانايدى.
ۇلتتىق قۇرىلتاي تاجىريبەلى قوعام قايراتكەرلەرىن, عالىمداردى, ساراپشىلاردى بىرىكتىردى. ءبىز ءتۇرلى جوبانى, سونىڭ ىشىندە وڭىرلەردە ىسكە اسىرۋعا ەرەكشە دەن قويىلعان باستامالارعا بارىنشا ءمان-ماڭىز بەرىپ وتىرمىز. قۇرىلتاي مۇشەلەرى قوعامدىق توپتاسۋدى نىعايتۋ, ورتاق قۇندىلىقتاردى دامىتۋ جانە ىلگەرىلەتۋ جونىندە ۇسىنىستار ازىرلەۋ جونىندەگى ورتاق ىسكە ءوز ۇلەسىن قوسىپ كەلەدى.
بۇگىندە جاستار وتە وتكىر سىناقتارمەن بەتپە-بەت كەلىپ وتىر. مۇندايدا ءبىلىم قاشاندا ۋاقىتتىڭ الدىندا ءجۇرۋى كەرەك. مەملەكەت باسشىسى قاسىم-جومارت توقاەۆتىڭ قولداۋىمەن استانادا قازاق-نەمىس مەكتەبىن اشۋ جوباسى جۇزەگە اسىرىلىپ جاتىر. شەتەلدىك مەكتەپتەردىڭ مودەلى بويىنشا اشىلاتىن بۇل وقۋ ورداسى ورتالىق ازياداعى العاشقى ءبىلىم ورنى بولماق. بۇل مەكتەپ گەرمانيا مەن ەۋروپانىڭ ءبىلىم بەرۋ كەڭىستىگىنە كەدەرگىسىز قول جەتكىزۋگە مۇمكىندىك بەرەدى.
ەۆگەني بولگەرت,
«ۆوزروجدەنيە» نەمىستەر بىرلەستىگى» قامقورشىلىق كەڭەسىنىڭ توراعاسى
