فوتو: تجم
قابانباي باتىر داڭعىلى بويىنداعى «TENGRI» جانە ە-36 كوشەسىندەگى «Respublika» تۇرعىن ءۇي كەشەندەرىندە ورنالاسقان ءبىر بولمەلى جانە ەكى بولمەلى پاتەرلەردەگى جاڭا قونىستانۋشىلار قاتارىندا ەلوردالىق ءورت ءسوندىرۋ جانە اۆاريالىق-قۇتقارۋ جۇمىستارى قىزمەتىنىڭ ءورت سوندىرۋشىلەرى, قۇتقارۋشىلارى, بولىمشە كومانديرلەرى بار.
«جۇمىستارىڭىز فيزيكالىق توزىمدىلىكتى عانا ەمەس, ەموتسيونالدى كۇشتى دە قاجەت ەتەدى, مەن سىزدەردىڭ جۇمىستارىڭىزدى قاتتى قۇرمەتتەيمىن. ءوز تاراپىمىزدان ءبىز ەڭبەك ەتۋگە قولايلى جاعداي جاساۋ جانە جاقسارتۋ بويىنشا بارلىق قاجەتتى شارالاردى قابىلداۋدى جالعاستىرامىز. مىسالى, تۇرعىن ءۇي جاعدايلارىن جاقسارتۋ ءۇشىن ءبىز تۇرعىن ءۇي باعدارلاماسىنا قاتىسۋشىلاردىڭ ساناتىن (وتاندىق تۇرعىن ءۇي كومپانياسى) كەڭەيتتىك, جاستارعا ارنالعان ارنايى تۇرعىن ءۇي باعدارلاماسىن ىسكە قوستىق, وندا تجد قىزمەتكەرلەرىنىڭ ساناتىن بولەك بولدىك. سونداي-اق دەپارتامەنت قىزمەتكەرلەرى ءۇشىن تۇرعىن ءۇي سەرتيفيكاتىنىڭ مولشەرى 1 ملن تەڭگەدەن 1,5 ملن تەڭگەگە دەيىن ۇلعايتىلدى. سوڭعى ءۇش جىلدا تجد قىزمەتكەرلەرىنە 90 پاتەر بەرىلدى», دەدى جەڭىس قاسىمبەك.
تجم باسشىسى الداعى ۋاقىتتا دا مينيسترلىك اكىمدىكتەرمەن بىرلەسىپ كوبىرەك قىزمەتكەرلەر ءۇشىن تۇرعىن ءۇي جاعدايلارىن جاقسارتۋدى جوسپارلاپ وتىرعانىن اتاپ ءوتتى.
جىل سايىن ەلوردالىق توتەنشە جاعدايلار دەپارتامەنتى بولىمشەلەرى ورتا ەسەپپەن 4000-نان استام جەدەل-قۇتقارۋ شىعۋلارىن جاسايدى, 600-دەن استام ءورتتى جويادى, 1000-نان استام ادامنىڭ ءومىرىن قۇتقارادى جانە ەۆاكۋاتسيالايدى.
