فوتو: nu.edu.kz
جيىندا ابايدىڭ وتىز سەگىزىنشى قاراسوزى تالدانىپ, حاكىمنىڭ «تولىق ادام» تۇجىرىمداماسى بويىنشا سۇحبات ءوربىدى. گ.قۇرمانباي تەحنيكالىق ماماندىق بويىنشا ءبىلىم الىپ جاتقان ستۋدەنتتەردىڭ ۇلى ويشىل مۇراسىنا جاڭا كوزقاراسپەن قاراۋ كەرەكتىگىن ايتىپ, وسى جولداعى س.ىبىراي ەڭبەگىنە ۇلكەن باعا بەردى.
– وتىز سەگىزىنشى قاراسوز – اباي دانالىعىنىڭ بيىك شىڭى. باسقا عىلىم سالاسىندا ءجۇرىپ, اباي الەمىنە كەلۋ, ونىڭ ەڭ كۇردەلى قاراسوزىن ءتۇسىنۋ – ۇلكەن جەڭىس. بۇل كىسىلەردىڭ قابىلداۋى, كورۋى گۋمانيتار عالىمداردان گورى ەرەكشە. سوندىقتان سۇلتان ىبىراي اقىننىڭ الەمىنە ءارى قاراي سۇڭگىپ, تەحنيكالىق عىلىممەن جانە قۇرانمەن بايلانىسىن تەرەڭدەتىپ زەرتتەپ ءجۇر, – دەدى گ.قۇرمانباي.
كەش قوناعى ءاربىر قازاققا اباي بولۋ پارىز ەمەس, بىراق دانىشپان سۋسىنداعان رۋحاني باستاۋلار قازاقتىڭ ەل بولىپ قالىپتاسۋىنىڭ نەگىزگى العىشارتى ەكەنىن ايتتى.
– ءبىرىنشى – ۇلتتىق باستاۋ, ەكىنشى – يسلام, ءۇشىنشى – باتىستىڭ عىلىمى مەن تەحنولوگياسى. بۇل يسلامداعى ءدىن مەن عىلىم ەگىز دەگەن سوزبەن جانە قۇرانداعى اللانىڭ «...سونداي-اق ءبىر-ءبىرىڭدى تانۋلارىڭ ءۇشىن سەندەردى ۇلتتار, رۋلار قىلدىق», – (49:13) دەگەن اياتىن قۋاتتايدى. ءبىر قىزىعى, كەز كەلگەن مەملەكەت نەمەسە ادام وسى سوزدە اباي كەلتىرگەن ءۇش سيپات ادىلەت, عىلىم, مەيىرىمدى باسشىلىققا السا, وراسان تابىسقا جەتەدى. بۇل ۇشەۋى – جەكە تۇلعانىڭ عانا ۇستانىمى ەمەس, جالپى ۇلتتىق يدەيا نەگىزى, مەملەكەتىمىزدى ۇشپاققا شىعاراتىن, مۇراتقا جەتكىزەتىن قاعيدا, – دەيدى سۇلتان ىبىراي
نازارباەۆ ۋنيۆەرسيتەتتە ءبىلىم الىپ جاتقان بولاشاق ينجەنەرلەر, ەلەكتريكتەر, روبوتتەحنيكتەر, گەولوگتەردىڭ «تولىق ادام» بولىپ قالىپتاسۋلارىنا ادەبيەتشى, فيلوسوف ءارى راديوتەحنيك عالىمنىڭ يننوۆاتسيالىق كوزقاراسى مەن عىلىمي تۇجىرىمدارى ەرەكشە اسەر قالدىردى.
بەكزات قۇلشار,
ل.ن.گۋميلەۆ اتىنداعى ەۇۋ ستۋدەنتى
