«بارشاڭىزدى الداعى ناۋرىز مەرەكەسىمەن قۇتتىقتايمىن! اتا-بابالارىمىز «وتان وتباسىنان باستالادى» دەپ بەكەر ايتپاعان. ادام بويىنداعى يگى قاسيەتتەر شاڭىراقتان باستاۋ الادى. وڭىرىمىزدە مەملەكەت تاراپىنان وتباسى ينستيتۋتىن نىعايتۋعا باسا نازار اۋدارىلىپ جاتىر. قازىرگى تاڭدا وبلىس بويىنشا 14 مىڭعا جۋىق كوپبالالى انا بار, ونىڭ ىشىندە 6 558 ايەل «التىن القا», «كۇمىس القا», «باتىر انا» بەلگىسىنە يە. وبلىسىمىزدا 5 «وتباسى ورتالىعى» جۇمىس ىستەپ تۇر. بيىل تاعى 3 اۋداندا وسىنداي ورتالىق اشۋدى جوسپارلاپ وتىرمىز», دەدى وبلىس باسشىسى.
ناريمان تورەعالي ۇلى اتىراۋ قالاسىندا وتكەن ءۇشىنشى ۇلتتىق قۇرىلتايدا مەملەكەت باسشىسى قاسىم-جومارت كەمەل ۇلى توقاەۆتىڭ ۇلتتىڭ جاڭا كەلبەتىن ايقىندايتىن نەگىزگى قۇندىلىقتار تۋرالى ايتقان سوزىنە توقتالدى.
«پرەزيدەنتىمىز ۇلتتىق قۇرىلتايدا اتاپ وتكەن وتانشىلدىق, بىرلىك, ىنتىماق, ادىلدىك, جاۋاپكەرشىلىك, ەڭبەكقورلىق قۇندىلىقتارى وتباسىدان باستاۋ الادى. سوندىقتان ۇرپاق تاربيەسىنە ايرىقشا ءمان بەرۋىمىز كەرەك», دەدى اكىم.
ءىس-شاراعا جۋىردا وتاۋ قۇرعان جاس وتباسىلار دا قاتىستى. اعا بۋىن وكىلدەرى جاستار الدىندا ءسوز سويلەپ, ومىرلىك كەڭەستەرىمەن ءبولىستى.
