«جايلى مەكتەپتىڭ» جايى

مەملەكەتتىك ساتىپ الۋ كونكۋرسىنىڭ قورىتىندىسى كەش شىعۋىنا بايلانىس­تى 1 مەكتەپ قۇرىلىسى جا­قىن كۇندەرى باستالماق. ينفرا­قۇرىلىم جەتكىزۋگە جەر­گى­لىك­تى بيۋدجەتتەن 118,4 ملن تەڭگە ءبولىنىپ, جوبا-سمەتالىق قۇ­جاتى ازىرلەندى, 9-ىنا ساراپتاما قورىتىندىسى الىندى, بىرەۋى اياقتالۋ ساتىسىندا تۇر. ينجەنەرلىك جەلىلەر جۇر­گىزۋگە وبلىستىق بيۋدجەتتەن 1,6 ملرد تەڭگە ءبولىنىپ, بۇ­گىن­گى كۇنى مەردىگەر مەكەمە­لەر انىقتالىپتى.

جۋىردا وتكەن ماجى­لىس­تە وبلىس اكىمى نۇرلىبەك نالىباەۆ بۇل باعىت­تا­عى جۇ­مىستار جوبا ۇيلەس­تى­رۋ­شىسى «سامۇرىق-قازىنا كونستراك­شن» اكتسيونەرلىك قوعامى وكىل­دەرىمەن بىر­لەسكەن جول كارتاسىنا سايكەس جۇرگىزىلىپ جاتقانىن اتاپ ءوتتى. بۇل رەتتە قۇرىلىس, ساۋلەت جانە قالا قۇرىلىسى باسقارماسىنا مەردىگەر مەكەمە باسشىلارىمەن تىعىز جۇمىس جاساۋ تاپسىرىلىپ وتىر. بىلتىر باستالعان 10 مەكتەپ بيىلعى 1 قىركۇيەكتە پايدالانۋعا بەرىلۋى كەرەك. ولارعا سىرتقى ينجەنەرلىك ينفراقۇرىلىم جۇرگىزۋ ال­داعى ماۋسىم ايى­نىڭ سو­ڭىنا دەيىن اياقتالۋعا ءتيىس. قىزىلوردا قالاسى جانە اۋدان اكىمدەرى وسى جىلدىڭ 1 تامىزىنا دەيىن مەك­تەپتەر اۋماعىن جول-كولىك جەلى­لەرىمەن, جارىقتاندىرۋ, ابات­تاندىرۋ, جاياۋ جۇرگىن­شى­لەر جولدارىمەن جانە ايالدامالارمەن قام­تا­ماسىز ەتۋى قاجەت.

«سامۇرىق-قازىنا كون­ستراك­شن» اكتسيونەرلىك قو­عامى باسشىلارىنىڭ وب­لىس­قا ساپارى كەزىندە ۇيىم­داس­تى­رىلعان ماجىلىستە ۇلت­­­تىق جوبانى وڭىردە اسى­­رۋدىڭ وسىنداي وزەكتى ماسە­لەلەرى جان-جاقتى تال­قى­لان­دى.

جالپى, بيىل وبلىستا 6 900 ورىندىق 10 مەكتەپ, كەلەر جىلى 5 400 ورىندىق 11 ءبىلىم وشاعى قولدانىسقا بەرىلمەك.

قىزىلوردا