اقجايىقتاعى امال كۇنى

قازاقستاننىڭ باتىس وڭىرىندە ەجەلدەن اتالىپ وتەتىن كورىسۋ كۇنىنىڭ باس­تى ءداستۇرى – اۋىلدىڭ, ەلدىڭ جاسى ۇلكەن اقساقالدارىنا ارنايى بارىپ امانداسۋ, قولىن الىپ كورىسۋ. بيىل مەملەكەت باسشىسىنىڭ تاپسىرماسىمەن جالپىحالىقتىق سيپات العان وسى يگى باس­تامانى ۇلكەن-كىشى جاپپاي قولداپ كەتتى.

ءدال وسى كۇنى باتىس قازاقستان وبلى­سىنىڭ اكىمى ناريمان تورەعا­ليەۆتىڭ ءوزى الا تاڭمەن تۇرىپ, عاسىر­دى ەڭسەرىپ قالعان ءازيز انانىڭ ۇيىنە ات باسىن تىرەدى. وڭىرگە جۇمىس ساپارىمەن كەلگەن ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆامەن بىرگە 99 جاستاعى ءجاميلا كەنجەعاليەۆاعا امان­داسىپ, اق باتاسىن الدى. تىل اردا­گەرى ءجاميلا اجە بۇگىندە 8 بالاسىنان 28 نەمەرە, 70 شوبەرە, 8 شوپشەك ءسۇيىپ وتىر ەكەن.

ء«بىز – ەجەلدەن ۇلكەندى سىيلاعان حالىقپىز. بۇگىن كورىسۋ كۇنى سىزگە امانداسىپ كەتۋگە ارنايى كەلدىك. دەنىڭىز ساۋ بولسىن, ۇرپاعىڭىزدىڭ قىزىعىن كورە بەرىڭىز!», دەدى ءوڭىر باسشىسى عاسىر جاساعان اجەگە.

ءدال وسىنداي شىنايى كەزدەسۋ اق­جايىق وڭىرىندەگى ونەرلى وتبا­سى­لاردىڭ ءبىرى بەگاليەۆتەردىڭ شاڭى­را­عىندا دا بولدى. وسىدان 38 جىل بۇرىن قۇرىلعان بەگاليەۆتەردىڭ وتبا­سىلىق ءانسامبلى ءالى كۇنگە دەيىن ساحنا تورىنەن تۇسپەي كەلەدى. الدىڭ­عى تولقىن اعا بۋىننىڭ ورنىن كەيىن­گى جاستار الماستىرعان ونەرلى ۇجىم­نىڭ ىنتىماعى جاراسقان وتباسى مارتەبەلى مەيمانداردى قۇشاق جايا قارسى الىپ, ناۋرىزكوجە ۇسىندى.

قازاقستاننىڭ بارلىق پۇشپاعىن­داي, باتىس قازاقستان وبلىسىندا دا ناۋرىزناما ونكۇندىگى 23 ناۋرىزعا دەيىن سوزىلماق. ورال قالاسىنداعى ەڭ ۇلكەن الاڭدا كيىز ۇيلەر تىگىلىپ, ۇلتتىق داستۇرگە ساي ءتۇرلى ءىس-شارا ءوتىپ جاتىر.

وسى الاڭنىڭ ءبىر بۇيىرىندە تۇرعان ەڭسەلى «اتامەكەن» ونەر ورداسىنىڭ ساحناسىندا رەسپۋبليكالىق ءVىى «Jaiyq sazy» ءداستۇرلى ونەر فەستيۆالى ءوتتى. ايگىلى ءانشى عاريفوللا قۇر­مان­عاليەۆتىڭ 115 جىلدىعىمەن ورايلاس­تىرىلعان بۇل ءىس-شارا ايتىس اقىنى باۋىرجان شيرمەدين ۇلى ايتقانداي, ەسترادا ەمەس, ەسكى دالانىڭ ەستى اندەرى تورگە شىققان كەرەمەت مەرەكەگە اينالدى.

ايتۋلى ءىس-شاراعا قازاقستاننىڭ حالىق ءارتىسى رامازان ستامعازيەۆ, قازاقستاننىڭ ەڭبەك سىڭىرگەن قايرات­كەرى ەركىن شۇكىمانوۆ, بەلگىلى ونەر شەبەرلەرى جاكەن وماروۆ, داۋرەنبەك اركەنوۆ, ارداق يساتاەۆا, ەربول ايت­باەۆ, ساۋلە تاۋداەۆا, «قۇرمەت» ور­دە­نى­نىڭ يەگەرلەرى سارسەنعالي جۇزباەۆ, قايرات كاكىموۆ, «ەرەن ەڭبەگى ءۇشىن» مەدالىنىڭ يەگەرى جانى­بەك جاميەۆ, رەسپۋبليكالىق بايقاۋ­لاردىڭ لاۋرەاتى نۇرىم اس­قانوۆ, مادەنيەت سالاسىنىڭ ۇزدى­گى ارمات يسلامعاليەۆ, فارحات ورا­زوۆ, مەملەكەتتىك «دارىن» جاستار سىيلىعىنىڭ لاۋرەاتى كۇنسۇلۋ تۇرىك­پەن, ت.ب. قاتىستى. «اتامەكەن» ساحناسىنان قازاق دالاسىنىڭ ءار تۇكپىرىندە قالىپتاسقان ءان مەكتەبى وكىلدەرىنىڭ ولمەس تۋىندىلارى شىرقالىپ, تىڭدارماندى ءتانتى ەتتى. حالىقارالىق, رەسپۋبليكالىق بايقاۋلاردىڭ باس جۇلدەسىن تالاي الىپ جۇرگەن قازتالوۆتىق ۇلگىلى «قىز جىبەك» بي ءانسامبلى مايرانىڭ ءانىن تامىلجىتا شىرقادى. كونتسەرتتى جۇرگىزۋشى بەلگىلى ايتىس اقىنى باۋىرجان شيرمەدين ۇلى دا كەستەلى ءسوز, كەلەلى پىكىرلەرىمەن جيىن­نىڭ اجارىن اشا ءتۇستى.

ساز كەشىندە باتىس قازاقستان وب­لى­­­سى­نىڭ اكىمى ناريمان تورەعا­ليەۆ جايىق جۇرتىن امال كۇنىمەن قۇتتى­قتاپ, ۇلت­تىق ونەرىمىزدى, باتىس ءداستۇرلى ءان مەك­تە­بىنىڭ نەگىزىن قالاۋشى, ءانشى-تەر­مەشى عاري­فوللا قۇرمانعاليەۆتىڭ مۇرا­سىن ناسيحات­تاپ جۇرگەن ونەرپازدارعا حالىق­تىڭ اتىنان زور العىس ايتىپ, كوكتەمنىڭ جاڭارۋ ءھام جاسارۋ مەرەكەسىمەن قۇتتىق­تادى. بارلىق ءانشى وبلىس اكىمىنىڭ العىس­حا­تى­مەن ماراپاتتالىپ, كادەسىيعا يە بولدى.

جوعارىدا ايتقانىمىزداي, ناۋ­رىز­­ناما ونكۇندىگىنىڭ ءار كۇنى ءتۇرلى تاعى­لىم­دى ءىس-شاراعا تولى بول­ماق. مۇن­داي مەرەكەلىك جيىن­دار بارلىق اۋداندا دا ءوتىپ جاتىر. قايى­رىمدىلىق, ۇلت­تىق سالت-ءداس­تۇردى ناسيحاتتاۋ, وتباسى قۇندى­لىق­تارىن دارىپتەۋ, جان مەن ءتاندى تازا ساقتاپ, جاڭارۋ جانە تازارۋ – ناۋرىز­ناما ونكۇندىگىنىڭ باستى سيپاتى بولماق.

باتىس قازاقستان وبلىسى