ماڭعىستاۋلىقتار «كورىسۋ كۇنى» دەپ ايرىقشا كۇتىپ, تاڭ اتىسىمەن قول الىسىپ, قۇشاق ايقاستىرا كورىسەتىن مەرەكە جىلداعى قالىپقا ساي بيىل دا ماڭعىستاۋداعى ەڭ بيىك نۇكتە – وتپان تاۋدا اتالىپ ءوتتى. تاۋدىڭ شىڭىندا 37 مەترلىك اداي اتا جانە ونىڭ ەكى ۇلى قۇدايكە مەن كەلىمبەردىنىڭ قۇرمەتىنە قويىلعان ەكى مۇنارا ستەلاسى بار. 2007 جىلى اشىلعان «وتپان تاۋ» تاريحي-مادەني كەشەنىندە ءار جىل سايىن كورىسۋ كۇنى مەرەكەلىك ءىس-شارا ۇيىمداستىرىلىپ, «بىرلىك وتى» جاعىلدى.
بيىل كورىسۋ كۇنى «امال – الاشقا ورتاق مەرەكە» اتاۋىمەن كەڭ كولەمدە تويلاندى. ماڭعىستاۋلىقتار مەملەكەت باسشىسى ق.توقاەۆتىڭ ء«از-ناۋرىزدىڭ باستاۋى – امال كۇنى قۇتتى بولسىن! بۇل – حالقىمىزدىڭ ەجەلگى ادەت-عۇرپىن جاڭعىرتىپ, ءتول مادەنيەتىمىزدىڭ اجىراماس بولىگىنە اينالعان بىرەگەي ءداستۇرىمىز. وسى كۇنى ۇلتتىق بولمىسىمىز بەن قۇندىلىقتارىمىز ەرەكشە دارىپتەلەدى. ەل ىرىسى كوبەيە بەرسىن! جىل جاقسىلىعىمەن كەلسىن!» دەگەن قۇتتىقتاۋىن قۋانا قابىلدادى.
مەرەكەدە وزبەكستان رەسپۋبليكاسىنىڭ ەڭبەك سىڭىرگەن مادەنيەت سالاسىنىڭ قىزمەتكەرى, جىرشى, ونەر سالاسىنىڭ ماگيسترى ماحامماد ەشبوەۆ, تۇركيا رەسپۋبليكاسىنىڭ بىشكەكتەگى «قىرعىز, تۇرىك, ماناس» ۋنيۆەرسيتەتىنىڭ وقىتۋشىسى, پروفەسسور يرفان گوردال باستاعان قوناقتار ءوز ونەرلەرىن ورتاعا سالىپ, اعايىنعا اق تىلەگىن ارنادى. تەك وتپان تاۋدا ەمەس, كورىسۋ كۇنىنىڭ ىزگى ءىس-شارالارى اقتاۋ قالاسىندا, اۋدانداردا جالعاسىن تاۋىپ جاتتى. شىڭ باسىنداعى توي 13 ناۋرىز كۇنى «بىرلىك وتىن» جاعۋ راسىمىمەن باستالدى.
– ماڭعىستاۋدىڭ ەڭ بيىك شىڭىندا وت جاعۋ ءداستۇرى تاريحتىڭ تەرەڭىنەن باستاۋ الادى. وت جاعۋ بىرلىكتى بىلدىرەدى جانە ۇيىمشىلدىقتىڭ بەلگىسى. رۋلارعا, جۇزدەرگە, ۇلتتارعا بولىنبەستەن, ءبىز ءبارىمىز ورتاق وتانىمىزعا ادال قىزمەت ەتەمىز. عاسىرلار بويى بۇل كۇن تەرەڭ رۋحاني ماعىناعا يە بولدى. ءبىزدىڭ اتا-بابالارىمىز وتكەن قىستا وتباسى مەن قىستان امان شىققانىنا قۋاندى, بۇگىن ءبىز ءبىر-ءبىرىمىزدى كوكتەمنىڭ باستالۋىمەن قۇتتىقتايمىز, رەنىشتەرىمىزدى كەشىرەمىز جانە كۇندەلىكتى قاربالاستا جاقىندارىمىزعا ۋاقىت تابامىز دەگەن نيەتپەن. ۇرپاقتار ساباقتاستىعى ورنايدى, بىراق «كورىسۋ كۇنى» كوكتەمنىڭ جاقىنداپ كەلە جاتقانىن جانە جاڭا ۇمىتتەر مەن مۇمكىندىكتەردىڭ پايدا بولۋىن ەسكە سالىپ قالا بەرەدى. بۇل مەرەكە بارشاڭىزدىڭ جۇرەگىڭىزدى جىلۋلىق پەن قۋانىشقا تولتىرسىن! سىزدەرگە باقىت, جاقسىلىق جانە اماندىق تىلەيمىن!
– بۇگىن اقتاۋ قالاسىنداعى «دوستىق ۇيىندە» حالقىمىزدىڭ جاسامپازدىعى مەن ىلگەرى جىلجۋىنا كەدەرگى كەلتىرەتىن جاعدايلاردى قالاي جويامىز دەگەن وي-تالقىعا قۇرىلعان رەسپۋبليكالىق دەڭگەيدەگى اۋقىمدى كونفەرەنتسيا ءوتتى. سونىڭ جالعاسى رەتىندە «بىرلىك وتى» جاعىلدى. ءبارىمىزدىڭ بىرلىكتە بولۋىمىز ماڭىزدى ەكەنى بەلگىلى. مەملەكەت باسشىسى جولداۋلارىندا ەلدىڭ دامۋى ءۇشىن بىرلىك, تۇراقتىلىق كەرەك ەكەنىن ايتۋدان جالىققان ەمەس. ول ءۇشىن ىنتىماعىمىزدى جوعالتپاۋىمىز قاجەت. امال – بارشامىزدى بىرىكتىرەتىن مەرەكە بولسىن. مەرەكە قۇتتى بولسىن, كەرەگەمىز كەڭ, شاڭىراعىمىز بيىك بولسىن, – دەدى ايماق باسشىسى ن.نوعاەۆ.
ن.نوعاەۆ ايتقانداي, امال تويى اياسىندا مادەنيەت جانە اقپارات مينيسترلىگىنىڭ ەتنوسارالىق قاتىناستاردى دامىتۋ كوميتەتىنىڭ توراعاسى عالىم شويكين, جەڭىل اتلەتيكادان كسرو-نىڭ ەڭبەك سىڭىرگەن سپورت شەبەرى ءامين تۇياقوۆ, جازۋشى كامال الپەيىسوۆا مەن ماجارستانداعى «اباي» مادەني ورتالىعىنىڭ توراعاسى, تانىمال تۇركىتانۋشى عالىم يشتۆان قوڭىر ماندوكيدىڭ زايىبى وڭايشا ماندوكي سىندى رۋحانيات وكىلدەرى, استانا, الماتى, شىمكەنت قالالارى مەن باسقا وبلىستان كەلگەن وڭىرلىك اقساقالدار كەڭەسىنىڭ مۇشەلەرى جيىلىپ, حالقىمىزدى وتباسى قۇندىلىقتارىن دارىپتەۋگە, ەلىمىزدەگى بىرلىكتى ساقتاۋعا شاقىرعان ۇندەۋ جولدادى.
امال تاڭى الدىنداعى كەشتە وتپان ساحناسىندا قازاقستاننىڭ حالىق ءارتىسى روزا رىمباەۆا ءوڭىر تۇرعىندارى مەن قوناقتارىن مەرەكەمەن قۇتتىقتاپ, اننەن شاشۋ شاشتى. شەتەلدىك قوناق جىرشىلاردىڭ, جەرگىلىكتى ونەرپازداردىڭ قاتىسۋىمەن جىرشىلار بايقاۋى وتكىزىلىپ, جازبا اقىندار ءوزارا باسەكەگە ءتۇستى.
توي «سالەم – ءسوزدىڭ اتاسى» اتتى تەاترلاندىرىلعان قويىلىم, اۋداندىق جانە قالالىق شىعارماشىلىق ۇجىمداردىڭ كونتسەرتتىك باعدارلاماسى, ات, قۇماي تازىلار جارىسى, وزگە دە سپورتتىق ءىس-شارالارمەن جالعاستى.
بيىلعى ءىس-شارانى ۇيىمداستىرعان مۇڭال اتا ۇرپاقتارى كەلەسى جىلى امالدى تويلاۋدى ۇيىمداستىرۋ ەستافەتاسىن قوساي اتا ۇرپاقتارىنا تابىستادى.
ماڭعىستاۋ وبلىسى
