سايىسقا ەلىمىزدىڭ 11 ايماعىنان كەلگەن 110 تايبوكسشى قاتىستى. ولاردىڭ اراسىندا ازيا, ەۋروپا, الەم چەمپيوناتىنىڭ جەڭىمپازدارى مەن جۇلدەگەلەرلەرى دە بار ەدى.
جارىستىڭ اشىلۋ سالتاناتىندا قازاقستان رەسپۋبليكاسىنىڭ مۋاي-تاي فەدەراتسياسىنىڭ پرەزيدەنتى فارحات امانقۇلوۆ وسى جارىستىڭ جەڭىمپازدارى مامىر ايىندا گرەكيا ەلىندە وتەتىن الەم چەمپيوناتىنا قاتىساتىنى, بولاشاقتا مۋاي-تاي سپورتىنىڭ وليمپيادا ويىندارىنا قوسىلاتىنى تۋرالى ايتقان ەدى.
جارىسقا ورال قالاسىندا ورنالاسقان 5517 اسكەري ءبولىمى اتىنان بارىپ, 91 كيلو سالماقتا جەڭىمپاز بولعان ءالي ناسىپقاليەۆ جۇلدەنىڭ وڭاي كەلمەگەنىن ايتادى:
– مۋاي-تاي – فيزيكالىق تۇرعىدان كوپ دايىندىق تالاپ ەتەتىن سپورت. جەڭىستىڭ قاي-قايسىسى دا وڭاي كەلمەيدى عوي. وسى كەزگە دەيىن تالاي جاراقات السام دا, تاباندىلىقپەن العا ۇمتىلىپ كەلەمىن. قارسىلاستارىم دا وسال ەمەس, ارقايسىسى ءوز ايماعىنان كەلگەن چەمپيون. اسىرەسە فينالدىق جەكپە-جەك قيىن بولدى. تاباندىلىق پەن تاجىريبە ارقاسىندا ەل چەمپيونى اتاندىم. ەندى الەم چەمپيوناتىنا دايىندىعىمدى باستايمىن, – دەيدى ءالي.
باتىس قازاقستان وبلىسى
