حالىقارالىق حابقا الەمنىڭ ەكىنشى ۇستازى اتانعان, ۇلى عالىم ءابۋ ناسىر ءال-ءفارابيدىڭ ەسىمى بەرىلدى. حابتىڭ تۇجىرىمداماسى قازاقستاننان ساۋد ارابياسىنا ىسكەر كاسىپكەرلەر مەن يننوۆاتسيالىق ستارتاپتاردى, «Tumar» ۆەنچۋرلىك قورىنان باستاپقى ينۆەستيتسيانى, ينكۋباتسيا جانە اكسەلەراتسيا باعدارلاماسىن تارتۋعا نەگىزدەلگەن. سونداي-اق ساپالى سالالىق ءبىلىم مەن جەلىلىك ءوزارا ءىس-قيمىل ءۇشىن مۇمكىندىكتەر ۇسىنۋ ارقىلى ولاردىڭ وسى وڭىرگە كوشۋى مەن دامۋىن قولدايدى.
ء«بىزدىڭ ستارتاپتار ازىرلەۋدە ايتارلىقتاي تاجىريبەمىز بار. مىسالى, وسىدان بەس جىل بۇرىن ورتالىق ازيا ايماعىنداعى جەتەكشى تەحنوپاركتەردىڭ بىرىنە اينالعان «Astana Hub» جۇمىسىن باستادى. سونداي-اق ءبىز بۇل سالاعا «Google», «DraperUniversity», «StartX», «Microsoft» جانە دۇنيەجۇزىلىك بانك سەكىلدى الەمگە تانىمال سەرىكتەستەردى تارتىپ, ەڭ وزىق شەشىمدەرگە جول اشتىق. يننوۆاتسيالىق حابتىڭ اشىلۋى قوس ەل اراسىنداعى بايلانىستى نىعايتۋعا جانە ەكونوميكالىق دامۋعا ساپالى ۇلەس قوسادى دەپ سەنەمىن», دەدى تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات مۋسين.
بۇل حابتىڭ 5 جىل ىشىندەگى نەگىزگى قىزمەت كورسەتكىشى, كەم دەگەندە 3 جاڭا ستارتاپتى دامىتۋ, ستارتاپتارعا كەمىندە 300$ ميلليون تارتۋ جانە وسى ستارتاپتار ۇسىناتىن 1$ ميللياردتان استام قىزمەتتى ەكسپورتتاۋ.
«حالىقارالىق حاب ورتالىق ازيا مەن كاۆكازدان كەلگەن ستارتاپتارعا تشسا نارىعىنا كەڭەيتۋ مۇمكىندىگىن بەرە وتىرىپ, قازاقستاننىڭ ۆەنچۋرلىق يندۋسترياسىنىڭ ينفراقۇرىلىمىن تولىقتىرادى. بۇل دەگەنىمىز 493 ملن-عا جۋىق ادام. بىزگە كورسەتكەن قولداۋى ءۇشىن تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىنە ريزاشىلىعىمىزدى بىلدىرەمىز. سونىمەن قاتار «Astana Hub» پەن ساۋد ارابياسىنداعى سەرىكتەستەرىمىزگە دە ايتار العىسىمىز زور», دەدى «Al-Farabi Innovation Hub» باس ديرەكتورى اسلان سۇلتانوۆ.
ايتا كەتەيىك, بىلتىر كاليفورنيانىڭ پالو التو قالاسىندا ورتالىق ازيا ەلدەرى وكىلدەرىنە ارنالعان «Silkroad Innovation Lab» اشىلدى. اتالعان حاب ورتالىق ەۋرازيادان كەلگەن ستارتاپتار مەن كاسىپكەرلەردى سول ەلدىڭ نارىعىندا ءوز كاسىپورىنىن قۇرۋعا نەمەسە كەڭەيتۋگە قولداۋ كورسەتەدى. سونداي-اق وعان «Google», «DraperUniversity», «StartX», «Microsoft» جانە دۇنيەجۇزىلىك بانك سياقتى الەمدىك سەرىكتەستەر تارتىلىپ, ازاماتتارعا ەڭ وزىق شەشىمگە قول جەتكىزۋ قامتاماسىز ەتىلدى.
