كاللۋممەن كۇش سىناسادى

23 جاستاعى كاللۋم 2021 جىلدىڭ سو­ڭىندا كاسىپقوي رينگتەگى تۇساۋكەسەر كەز­دەسۋىن وتكىزدى. سول ارالىقتا توعىز رەت رينگ­كە شىعىپ, بارلىعىندا جەڭىسكە جەتتى. جەتى باسەكەنى مەرزىمىنەن بۇرىن اياقتادى. بىلتىر عانا ءتورت جەكپە-جەك وتكىزگەن ۋولش امەريكالىق ۋەسلي تاكەر, كارسون دجونس, يسماەل ۆيلياررەال جانە ارگەنتينالىق حۋان حوسە ۆەلاسونى ۇتتى. اتاقتى باپكەر فرەددي ءروۋچتىڭ قول استىندا جاتتىعاتىن يرلانديانىڭ بوكسشىسى قازىرگى كەزدە ءبىرىنشى ورتا سالماقتاعى WBC USA Silver نۇسقاسىنىڭ چەمپيوندىق اتاعىن يەلەنگەن.

ال وليمپيادا مەن الەم چەمپيونى, ازيا ويىندارىنىڭ ەكى دۇركىن جەڭىمپازى دانيار ەلەۋسىنوۆتىڭ تۋعان اعاسى داۋرەننىڭ دە اۋەسقويلار اراسىندا قول جەتكىزگەن تابىسى ءبىر توبە. كاسىپقوي رينگتە 15 مارتە اي­قاسقان ول 11 رەت باسىمدىق تانىتىپ, 10 قار­سىلاسىن نوكاۋتقا جىبەردى. ءۇش رەت ۇتى­لىپ, تاعى ءبىر باسەكەدە تەڭ ەسەپ تىركەلدى. ۋولش پەن ەلەۋسىنوۆ اراسىنداعى جەكپە-جەكتە WBC Continental Americas نۇسقاسىنىڭ التىن بەلبەۋى ساراپقا سالىنادى.