40-59 جاس ارالىعىنداعىلار اراسىندا باسەكەگە تۇسكەن ۇلتتىق ۇلان اكادەمياسىنىڭ دەنە شىنىقتىرۋ جانە سپورت كافەدراسىنىڭ اعا وقىتۋشىسى پودپولكوۆنيك ماقسات ءنۇسىپوۆ ءۇشىنشى ورىن الدى.
جارىسقا قازاقستان, ازەربايجان, بەلارۋس, ماۆريتانيا, تۇرىكمەنستان, وزبەكستان, رەسەي سپورتشىلارى قاتىستى.
ماراپاتتاۋ ءراسىمى «سپورت پلانەتاسى» امبەباپ زالىندا سالتاناتتى جاعدايدا ءوتتى. جارىستىڭ چەمپيوندارى مەن جۇلدەگەرلەرىن حالىقارالىق پولياتلون قاۋىمداستىعىنىڭ پرەزيدەنتى ەۆگەني ستولياروۆ, بۇكىلرەسەيلىك پولياتلون فەدەراتسياسىنىڭ پرەزيدەنتى ولەگ ليسوۆ, جارىستىڭ باس تورەشىسى سەرگەي يكرياننيكوۆ, سونداي-اق ساسوۆ قالالىق وكرۋگى دۋماسىنىڭ دەپۋتاتى, «سپورت پلانەتاسى» كەشەنىنىڭ ديرەكتورى, پولياتلوننان رەسەي سپورت شەبەرى ۆيتالي يكرياننيكوۆ ماراپاتتادى.
- مەن اقپان ايىنىڭ سوڭىندا قوستاناي قالاسىندا وسى سپورت تۇرىنەن وتكەن قازاقستان رەسپۋبليكاسىنىڭ چەمپيوناتىندا ءبىرىنشى ورىن يەلەندىم. وسىدان كەيىن مەنى ۇلتتىق قۇراماعا قوستى. چەمپيوناتتىڭ بارلىق قاتىسۋشىلارى جوعارى دايىندىق دەڭگەيىن جانە جەڭىسكە دەگەن ۇمتىلىسىن كورسەتتى. جارىستاردى ۇيىمداستىرۋ جانە وتكىزۋ جوعارى دەڭگەيدە بولدى. ۇلتتىق ۇلاننىڭ باس قولباسشىلىعىنا ەلىمىزدىڭ اتىنان حالىقارالىق دەڭگەيدەگى جارىستارعا قاتىسۋعا مۇمكىندىك بەرگەنى ءۇشىن العىس ايتقىم كەلەدى, – دەپ اتاپ ءوتتى پودپولكوۆنيك ماقسات ءنۇسىپوۆ.
ايتا كەتەيىك, جارىس ءۇش كەزەڭدە ءوتتى ءبىرىنشى كۇنى قاتىسۋشىلار پنەۆماتيكالىق مىلتىقتان اتۋ بويىنشا مەرگەندىك تانىتتى, ەكىنشى كۇنى باردا تارتۋدان سىنعا ءتۇستى جانە جارىستىڭ سوڭعى كۇنى سپورتشىلار 5 كم قاشىقتىقتا شاڭعى جارىسى بويىنشا باق سىنادى.
سايىس قورىتىندىسى بويىنشا قازاقستان رەسپۋبليكاسىنىڭ قۇراماسى كوماندالىق بىرىنشىلىكتە ەكىنشى ورىن الدى.
