فوتو: thevoicemedia.kz
بۇل جارىسقا رەسپۋبليكالىق فيزيكا-ماتەماتيكا مەكتەبى, ءبىلىم-يننوۆاتسيا جانە الماتىداعى م.بازارباەۆ اتىنداعى №138 گيمنازيانىڭ وقۋشىلارى قاتىستى. ولاردىڭ كومانداسى «Sana Team» دەپ اتالدى. ءدۇبىرلى باسەكەدە ەل نامىسىن ءادىل تۇرسىنعالي, ارنار داۋلەتقۇل, وسمان اقىپبەك, الديار داۋلەت ۇلى, دارىن سمايىل, ابباس پاحريدين, اسىلحان ىبىراي, ءىلياس اشيرالين, ايزەرەك بولات, جانايىم سابىرجان, عازيزا كۇنعوجينا جانە شولپان امانگەلدى سەكىلدى وقۋشىلار قورعادى.
ءۇش كۇنگە سوزىلعان چەمپيونات قورىتىندىسىندا ءبىزدىڭ جەتكىنشەكتەر توپ جارىپ قانا بولماي, «Winning Alliance» باستى ويىن جۇلدەسى مەن شىعارماشىلىق ويلاۋ ارقىلى ينجەنەرلىك كەدەرگىلەردى جويۋداعى «Think Award» اتالىمىن يەلەندى.
ء«بىزدىڭ روبوت تۋرنيردە رەكورد ورناتتى. سوعان ەرەكشە قۋاندىق. جارىستان العان اسەرىمىز مول. وسى ءۇش كۇندە باسقا ەلدەن كەلگەن قاتىسۋشىلارمەن تانىسىپ, تاجىريبە الماستىق. بىزگە وسىنداي مۇمكىندىك سىيلاپ, قولداۋ كورسەتكەن الماتى قالالىق ءبىلىم باسقارماسى مەن «الماتى دارىنى» ورتالىعىنا ريزاشىلىعىمىزدى بىلدىرەمىز», دەيدى وقۋشىلار.
ايتا كەتەيىك, «Sana Team» كومانداسى وقۋ-اعارتۋ مينيسترلىگىنىڭ قولداۋىمەن «Ustem Foundation» قوعامدىق قورى ۇيىمداستىرعان «Daryn first Championship» وڭىرلىك چەمپيوناتىندا كيپرگە جولداما العان ەدى.
