ول جانىبەكتىڭ اناسىن ىزدەپ ءجۇرىپ, 2004 جىلى قىلمىستىق قۇرامنىڭ دا بولعانىن ويلاماعان جەردەن انىقتالعانىن اتاپ وتكەن.
«نەگىزى قىلمىسكەر ەمەس, تۋعان اناسىن ىزدەپ ءجۇر ەدىك قوي... جانىبەكتىڭ قۇجاتىندا تۋعان اناسى دەپ جازىلعان ايەل 2023 جىلدىڭ جەلتوقسانىندا تابىلعان, بىراق بالا باسقا سياقتى (اۋىسىپ كەتكەن), ويتكەنى بىرنەشە دنق اناليز تەرىس شىقتى.
جاني ساۆەلەۆتىڭ, ياعني جانىبەك جۇماعۇلوۆتىڭ تۋعان اناسىن ىزدەۋ بارىسىندا قر قىلمىستىق كودەكسiنىڭ 135-بابى: «كامەلەتكە تولماعاندار ساۋداسى» بويىنشا قىلمىستىق ءىس قوزعالىپ, ارقالىق قالاسىنداعى پوليتسيا باسقارماسىنىڭ تەرگەۋشىلەرى كۇن-ءتۇن دەمەي جۇمىس ىستەپ وتىر», دەپ جازدى ول.
ايتۋىنشا, ايەلدەردەن دنق ءاناليزى الىنىپ, كلينيكاعا تاپسىرىلىپ جاتىر. ارقالىقتا 6 ناۋرىزدا پوليتسيا باسقارماسىنىڭ باسشىلىعى حالىق الدىندا ەسەپ بەرگەن ەكەن. سول جيىندا جانىبەكتىڭ دە ماسەلەسى ايتىلعان. دەرەككوزى @araily_arkalyk جانە «ارايلى ارقالىق» youtube ارناسى.
«بۇل ماسەلەنى كوتەرگەن ازاماتقا دا العىس ايتامىز, تانىساڭىزدار, بەلگىلەپ كەتىڭىزدەر. جۋرناليستىك زەرتتەۋ بارىسىندا بەلگيالىق ايەلمەن جەكە سويلەستىك. ءسوز اراسىندا «بالا اسىراپ العاندا زاڭ بۇزىلعان جوق پا؟» دەگەن دە سۇراق قويىلدى. ول كىسى «بەلگيا تاراپىنان زاڭ بۇزىلعان جوق» دەدى دە, قازاقستانعا قاتىستى ءبىر ادامنىڭ اتى-ءجونىن اتاپ, بالا اسىراپ الۋ ءۇشىن, سول كىسىگە بالەنباي مىڭ ەۋرو بەرگەنىن, ءوز ەلىندە وتىرىپ جانىبەكتىڭ فوتوسى مەن مالىمەتىن العانىن, سودان كەيىن عانا جولعا شىققانىن مالىمدەدى. بۇل ديالوگ رەسمي تۇردە زاڭداستىرىلىپ, زاڭ ورگاندارىنا تاپسىرىلدى.
جالپى جانىبەككە, تاستاندى بالالار تاعدىرىنا قاتىسى بولۋى مۇمكىن دەگەن ادامداردىڭ ءبارى قازىر بار, كوزى ءتىرى, بىلۋىمىزشە, تەك 1 مامان ومىردەن وتكەن. ءتىپتى مەديتسينا سالاسىندا 40 جىلعا جۋىق ەڭبەك ەتىپ كەلە جاتقان مامانداردىڭ دا جانىبەككە قاتىستى رەسمي قۇجاتتاردا اتى اتالعان, لاۋازىمى جازىلعان, قولى قويىلعان», دەيدى ول.
