فوتو: akorda.kz
قۇرمەت قاراۋىلى روتاسىنىڭ باستىعى پرەزيدەنتتەرگە راپورت بەردى. قازاقستان مەن ازەربايجاننىڭ مەملەكەتتىك ءانۇراندارى شىرقالعاننان كەيىن قاسىم-جومارت توقاەۆ پەن يلحام اليەۆ ءبىر-بىرىنە رەسمي دەلەگاتسيا مۇشەلەرىن تانىستىردى.
سالتاناتتى راسىمنەن سوڭ پرەزيدەنتتەر شاعىن قۇرامدا كەلىسسوز جۇرگىزدى.
قاسىم-جومارت توقاەۆ يلحام اليەۆتى ازەربايجان پرەزيدەنتى سايلاۋىنداعى ايقىن جەڭىسىمەن جانە بيىل باكۋدە سور 29 ءسامميتىن وتكىزۋ مۇمكىندىگىنە يە بولۋىمەن قۇتتىقتادى.
پرەزيدەنت قازاقستان مەن ازەربايجان ىنتىماقتاستىعىنىڭ مازمۇنى بايىپ, بىرلەسكەن ءىرى جوبالارمەن تولىعا تۇسكەنىن جانە قارقىندى دامىپ كەلە جاتقانىن جوعارى باعالادى.
ءوز كەزەگىندە ازەربايجان پرەزيدەنتى قازاقستانمەن اراداعى باۋىرلاستىق بايلانىستاردىڭ بەكي تۇسكەنىن ايتتى.
كەلىسسوز بارىسىندا تاراپتار ساۋدا-ەكونوميكالىق, كولىك-ترانزيتتىك, ەنەرگەتيكالىق, مادەني-گۋمانيتارلىق ىنتىماقتاستىق, سونداي-اق تسيفرلاندىرۋ, ازىق-ت ۇلىك قاۋىپسىزدىگى جانە جاڭارتىلاتىن ەنەرگيا كوزدەرى سالالارىنداعى ىقپالداستىق ماسەلەلەرىن تالقىلادى.
سونىمەن قاتار ەكى ەل ەكونوميكاسىنىڭ دامۋىنا تىڭ سەرپىن بەرەتىن ينۆەستيتسيالىق جوبالاردى ىسكە اسىرۋ پەرسپەكتيۆاسى قاراستىرىلدى.
