فوتو: قر ءىىم
ولاردىڭ ءبىرى – 33 جاستاعى كەلىنشەك. انىقتالعانداي, 2022 جىلدىڭ قىركۇيەك ايىندا ونىڭ كۇيەۋى وسىعان ۇقساس قىلمىس جاساعانى ءۇشىن سوتتالىپ, قازىر باس بوستاندىعىنان ايىرۋ ورىندارىندا جازاسىن وتەپ جاتىر.
ايەلدىڭ جانىندا بولعان 36 جاستاعى قۇربىسى دا ۇستالدى. ۇستالعانداردى جانە ولاردىڭ تۇرعىلىقتى مەكەنجايلارىن ءتىنتۋ كەزىندە 700 گرامنان استام ۇنتاق ءتارىزدى جانە كەسەكتەلگەن زات تاركىلەندى. ساراپتاما ناتيجەسىنە سايكەس, بۇل تۇز دەگەن اتاۋمەن بەلگىلى α-PvP سينتەتيكالىق ەسىرتكىسى بولىپ شىقتى.
سونداي-اق ەسىرتكىنى بۋىپ-تۇيۋگە ارنالعان زاتتار تاركىلەندى. اتالعان فاكتى قر قىلمىستىق كودەكسىنىڭ 297-بابىنىڭ 3-بولىگى بويىنشا سوتقا دەيىنگى تەرگەپ-تەكسەرۋلەردىڭ بىرىڭعاي تىزىلىمىنە تىركەلدى.
«ەسىرتكىنى اسا ءىرى كولەمدە وتكىزۋ ءۇشىن 10 جىلدان 15 جىلعا دەيىنگى مەرزىمگە باس بوستاندىعىنان ايىرۋ جازاسى كوزدەلگەنىن ەسكە سالامىز. قازىرگى ۋاقىتتا 33 جاستاعى قالا تۇرعىنى قاماۋعا الىندى, تەرگەۋ ءجۇرىپ جاتىر. كەلىپ تۇسكەن اقپاراتقا سايكەس كۇدىكتىلەر بۇل قىلمىستارىمەن 4 ايعا جاقىن ۋاقىت اينالىسقان», دەدى سقو پد ەققىقب باستىعى رۋسلان ساپاروۆ.
