فوتو: ن.بايبۋلين.
مەملەكەت باسشىسىنىڭ تاپسىرماسى بويىنشا پارلامەنت سەناتىنىڭ ۇيىتقى بولۋىمەن ەلىمىزدەگى ءماسليحاتتار ينستيتۋتىنىڭ 30 جىلدىعىنا وراي ءساۋىردىڭ 18-19 كۇندەرى حالىقارالىق كونفەرەنتسيا وتكىزۋ جوسپارلانىپ وتىر.
ەستەرىڭىزگە سالايىق, كەشە مەملەكەت باسشىسى قاسىم-جومارت توقاەۆ سەنات توراعاسى ماۋلەن اشىمباەۆتى قابىلدادى. قابىلداۋ بارىسىندا بەرىلگەن تاپسىرمالاردىڭ ءبىرى – پارلامەنتتىڭ زاڭ شىعارۋ قىزمەتىنە جەرگىلىكتى وكىلدى ورگانداردىڭ دەپۋتاتتارىن كەڭىنەن جۇمىلدىرۋ.
«پرەزيدەنتىمىز قاسىم-جومارت كەمەل ۇلى توقاەۆ ەلىمىزدە جۇرگىزىلىپ جاتقان رەفورمالاردى زاڭنامالىق تۇرعىدان قامتاماسىز ەتۋدىڭ ەرەكشە ءرولىن جانە پالاتانىڭ وڭىرلەردى دامىتۋعا تيگىزىپ كەلە جاتقان زور ىقپالىن اتاپ ءوتتى. كونفەرەنتسيا الاڭىندا مەملەكەت باسشىسىنىڭ باستاماسىمەن قولعا الىنعان ساياسي جانە ەكونوميكالىق رەفورمالاردى ىسكە اسىرۋ كەزىندەگى ءماسليحاتتاردىڭ ءرولى جان-جاقتى تالقىلانادى. قۋاتتى وڭىرلەر الەۋمەتتىك-ەكونوميكالىق ءال-اۋقاتتىڭ نەگىزى جانە ەلدىڭ درايۆەرى ەكەنى انىق. سوندىقتان وڭىرلەردىڭ تەڭگەرىمدى دامۋىنا جانە ءماسليحاتتاردىڭ ناتيجەلى جۇمىس ىستەۋىنە ىقپال ەتۋ جولىندا كۇش جۇمىلدىرۋدىڭ ماڭىزى زور», دەدى ماۋلەن اشىمباەۆ.
حالىقارالىق كونفەرەنتسياعا پارلامەنت دەپۋتاتتارىمەن بىرگە بارلىق دەڭگەيدەگى ءماسليحاتتاردىڭ توراعالارى, سونداي-اق, وتاندىق جانە شەتەلدىك ساراپشىلاردىڭ قاتىسۋى جوسپارلانىپ وتىر.
