فوتو: ن.بايبۋللين
زاڭ مەملەكەت باسشىسىنىڭ ترانسفەرتتىك باعا بەلگىلەۋگە باقىلاۋدى كۇشەيتۋ جونىندەگى تاپسىرماسىن ىسكە اسىرۋ ماقساتىندا ازىرلەنگەن بولاتىن. سونداي-اق حالىقارالىق ىسكەرلىك وپەراتسيالاردا جانە حالىقارالىق ىسكەرلىك وپەراتسيالارعا بايلانىستى مامىلەلەردە مەملەكەتتىك كىرىستەردىڭ جوعالۋىن بولدىرماۋعا باعىتتالعان.
قۇجات نارىقتىق باعانى ايقىنداۋ ادىستەرىن قولدانۋدى جەتىلدىرۋگە, نارىق اۋانىن ايقىنداۋ تەتىگىن ەنگىزۋگە, كاپيتالدى شىعارۋعا باقىلاۋدى كۇشەيتۋ ماقساتىندا تاراپتاردىڭ ءوزارا بايلانىسىن كەڭەيتۋگە, سونداي-اق تاۋار بيرجالارىندا جاسالعان مامىلەلەردەگى ترانسفەرتتىك باعا بەلگىلەۋگە باقىلاۋدى قايتارۋعا باعىتتالعان.
سەناتورلاردىڭ ايتۋىنشا, زاڭ تاۋار بيرجالارىندا جاسالعان مامىلەلەر بويىنشا ەكسپورتتىق باعالاردىڭ تومەندەمەۋىنە ىقپال ەتەدى. ول سالىق سالىناتىن تابىستىڭ ۇلعايۋىنا, حالىقارالىق مامىلەلەردىڭ مونيتورينگىن جاقسارتۋعا سەپتەسەدى.
دەپۋتاتتار كەڭەيتىلگەن وتىرىستىڭ قورىتىندىسى بويىنشا زاڭدى پالاتانىڭ قاراۋىنا جىبەرۋ تۋرالى شەشىم قابىلدادى.
