دوستىق ۇيىندە وتكەن ماعىنالى ءىس-شاراعا وڭىردەگى ەتنومادەني قوعامدىق بىرلەستىكتەردىڭ توراعالارى مەن مۇشەلەرى, «اسسامبلەيا جاستارى» قوعامدىق بىرلەستىگى فيليالى, «قوعامدىق كەلىسىم» مەكەمەسىنىڭ باسشىلىعى قاتىستى. «اعايىن» بىرلەستىگىنىڭ جەتەكشىسى ارمان بيعاليەۆ «العىس ايتۋ» كۇنى قارساڭىندا قويىلعان كونتسەرت باعدارلاماسىندا دوستىق تاقىرىبىنا كوڭىل بولگەن ەكەن.
ساحنادا حالقىمىزدىڭ ۇلى كومپوزيتورى ءشامشى قالداياقوۆتىڭ «كەشىكپەي كەلەم دەپ ەڭ», «سىعان سەرەناداسى», «قايىقتا», ت.ب. اندەرىنىڭ دۇنيەگە كەلۋ تاريحىنان ساحنالىق قويىلىم كورسەتىلدى. كونتسەرت بارىسىندا ءشامشىنى كورگەن جانداردىڭ بەينە ەستەلىگى جانە كومپوزيتور اندەرىنەن بەينەروليكتەر كورسەتىلدى.
باتىس قازاقستان وبلىسى
