فوتو: uralskweek.kz
پروباتسيا قىزمەتىنىڭ باسشىسى ەرمەك قاليەۆتىڭ ايتۋىنشا, 24 جاستاعى بانك قىزمەتكەرى كليەنتتەرگە تاۋارلىق جانە اقشالاي نەسيە بەرگەن.
«قىزمەتكەر ونلاين رەجيمىندە نەسيە الۋعا ءوتىنىش بەرگەن. قاجەتتى سومانى تولتىرىپ, اقشانى بانكتەگى شوتىنا اۋدارعان, ال كليەنتتەرگە نەسيە بەرۋدەن باس تارتىلعانىن حابارلاعان. ول قالا تۇرعىندارىنان 200 مىڭنان 2 ميلليون تەڭگەگە دەيىن ساۋدا نەسيەلەرىن ءوز ۇلەسىنە ءوندىرىپ العان. وسىلايشا, ول اياگوز قالاسىنىڭ 29 تۇرعىنىن الداپ, جالپى سوماسى 35 ميلليون تەڭگەدەن استام ماتەريالدىق شىعىن كەلتىرگەن», دەدى قاليەۆ.
سوت ونى قر قك-ءنىڭ 190-بابى «الاياقتىق» بويىنشا كىنالى دەپ تاۋىپ, 3 جىل 6 ايعا باس بوستاندىعىنان ايىردى.
«سوتتالعان ايەلدىڭ كامەلەتكە تولماعان ءۇش بالاسى بار ەكەنىن ەسكەرە وتىرىپ, ۇكىمنىڭ ورىندالۋى ءبىر جىل التى ايعا كەيىنگە قالدىرىلدى», دەپ قوستى ەرمەك قاليەۆ.
