فوتو: assembly.kz
استانادا قازاقستانداعى العاشقى كوپۇلتتى «BIRLIK» ءان-بي ءانسامبلىنىڭ تۇساۋكەسەرى وتەدى. روزا باعلانوۆا اتىنداعى «قازاقكونتسەرت» جانىنان قۇرىلعان شىعارماشىلىق ۇجىم جاندى اسپاپتىق سۇيەمەلدەۋ ارقىلى كاسىبي دەڭگەيدە الەم حالىقتارىنىڭ بيلەرىن ورىندايدى. ونىڭ ماقساتى وسكەلەڭ ۇرپاقتى ءتۇرلى ۇلتتىڭ ونەرى مەن مادەنيەتىن تانىستىرۋعا, ۇلتتىق مادەني كودتى جانە قازاقستاننىڭ كوپۇلتتىلىعى مەن بىرلىگىن نىعايتۋعا باعىتتالعان.
الماتىدا مەملەكەتتىك اكادەميالىق بي تەاترى, قۇدىس قوجامياروۆ اتىنداعى رەسپۋبليكالىق مەملەكەتتىك اكادەميالىق ۇيعىر مۋزىكالىق كومەديا تەاترى, «سالتانات» مەملەكەتتىك بي ءانسامبلى جانە «قازاقستان كامەراتى» كلاسسيكالىق مۋزىكا ءانسامبلى قايىرىمدىلىق كونتسەرتتەرىن وتكىزەدى.
شىمكەنتتە «العىس كەرۋەنى», «العىس كەشى» ءىس-شارالارى ۇيىمداستىرىلادى. سونداي-اق قالا كىتاپحانالارىندا تاقىرىپتىق كورمەلەر مەن وقۋ ساعاتتارى جوسپارلانعان.
ال جەتىسۋ وبلىسىندا «العىسىم شەكسىز» اكتسياسى باستالدى. ءىس-شارا اياسىندا بارشا تۇرعىندار مەن قوناقتارعا مەرەكەنىڭ سيمۆولى سانالاتىن قۇرت تاراتىلادى.
جامبىل وبلىسىندا «جامبىل – مەنىڭ جاي اتىم, حالىق – مەنىڭ شىن اتىم» رەسپۋبليكالىق اقىندار ايتىسى, شىعىس قازاقستان وبلىسىندا «اق بوساعا», «التاي» بي جانە فولكلورلىق-ەتنوگرافيالىق انسامبلدەرىنىڭ قاتىسۋىمەن «بارىڭە العىس – بلاگودارنوست ۆسەم» مەرەكەلىك كونتسەرتى وتەدى.
اباي وبلىسىندا دا قايىرىمدىلىق اكتسيالارى, تاقىرىپتىق كورمەلەر, كەزدەسۋلەر مەن مەرەكەلىك كونتسەرتتەر وتەدى.
ماڭعىستاۋ وبلىسىنداعى «بەينەۋ» اۋداندىق مادەنيەت ءۇيىنىڭ قىزمەتكەرلەرى العىس ايتۋ كۇنىنە وراي «تەگىن تاكسي» قىزمەتى ۇسىنىلادى.
قازاقستاندا العىس ايتۋ كۇنى 2016 جىلدان بەرى اتالىپ وتەدى. ۇلتتار اراسىنداعى ءوزارا تاتۋلىق پەن مىزعىماس بىرلىكتىڭ بەرىك داستۇرلەرىن ناسيحاتتاۋ ارقىلى بۇل كۇننىڭ ماڭىزى ارتىپ كەلەدى.
