فوتو: kaznu.kz
قىسقى مەكتەپتىڭ اشىلۋ سالتاناتىندا ءال-فارابي اتىنداعى قازاق ۇلتتىق ۋنيۆەرسيتەتىنىڭ باسقارما مۇشەسى – اكادەميالىق ماسەلەلەر جونىندەگى پرورەكتور ل.ەركىنباەۆا ۋنيۆەرسيتەتتىڭ باسقارما توراعاسى – رەكتورى ج.تۇيمەبەۆتىڭ اتىنان مەكتەپ جۇمىسىنا تابىس تىلەدى.
ء«ال-فارابي اتىنداعى قازۇۋ 10 جىل بويى بۇۇ «اكادەميالىق ىقپال» (UNAI) تۇراقتى دامۋ بويىنشا جاھاندىق حاب باعدارلاماسىن باسقارىپ, ۋنيۆەرسيتەتتىڭ ء«ۇشىنشى ۇرپاق» ماڭىزدى ميسسياسىن تابىستى جۇزەگە اسىرىپ كەلەدى. ۋنيۆەرسيتەت حالىقارالىق QS رەيتينگىندە 230-ورىندا. QS Asia ۋنيۆەرسيتەتتەرى رەيتينگى بويىنشا 29-شى ساتىدا. قىسقى مەكتەپ ۋنيۆەرسيتەتتىڭ تۇراقتى دامۋ سالاسىنداعى ستراتەگياسىنا ۇلەس قوسادى», دەدى پرورەكتور.
جۋرناليستيكا فاكۋلتەتىنىڭ دەكانى تەمىرعالي كوپباەۆ مەكتەپ بارىسىندا قامتىلاتىن تاقىرىپتاردىڭ ماڭىزىنا توقتالىپ, تاعىلىمدى, پايدالى شارا سپيكەرلەرىنىڭ كاسىبي ماماندار ەكەندىگىن اتاپ ءوتتى.
الماتى قالاسىنداعى يۋنەسكو كلاستەرلىك بيۋروسىنىڭ كوممۋنيكاتسيا جانە اقپارات ءبولىمىنىڭ مامانى سەرگەي كارپوۆ: «يۋنەسكو-نىڭ جۋرناليستيكا جانە كوممۋنيكاتسيا كافەدراسىنىڭ سوڭعى وتكىزگەن كەزدەسۋىندە ءبىز ىنتىماقتاستىقتىڭ ماڭىزدىلىعىن سەزىندىك. كافەدرانىڭ كوتەرگەن پروبلەمالارى ورتا ازيا ەلدەرىندە ۇلكەن قىزىعۋشىلىق تۋعىزدى. قىرعىزستاننىڭ جۋرناليستىك ءبىلىم بەرەتىن جەتەكشى ءتورت جوعارى وقۋ ورنى جۋرناليستەردى دايارلاۋ ساپاسىن ارتتىرۋ ءۇشىن يۋنەسكو-نىڭ جۋرناليستيكا جانە كوممۋنيكاتسيا كافەدراسى ازىرلەگەن كۋرستاردىڭ نەگىزىندە كوممۋنيكاتسيانى دامىتۋ حالىقارالىق باعدارلاماسىنىڭ رەسۋرستارىن قىرعىز تىلىندە بەلسەندى قولدانا باستادى. بۇل قۋانتارلىق جايت. وسىنداي شارالار بولماسا ءبىلىم ساپاسىن ارتتىرۋعا ارنالعان تۇراقتى پلاتفورمالاردى دامىتۋ كۇردەلى بولار ەدى», دەدى.
ءىس-شاراعا قاتىسقان جۋرناليست نۇرلان نۇرعازين ۇلتتىق PR-دى دامىتۋ تۋرالى وزەكتى ماسەلەنى قوزعاسا, «قازاقستان تۇراقتىلىق قورى» اق سىرتقى كوممۋنيكاتسيالار قىزمەتىنىڭ باس مەنەدجەرى ايبار ولجاي قارجى سالاسىندا جاڭا تەحنولوگيانى مەڭگەرگەن, اۋديتوريامەن جۇمىس ىستەي الاتىن قازاق ءتىلدى مامانداردىڭ قاجەتتىلىگىن باسا ايتتى.
تۇركىتىلدەس جۋرناليستەر قورىنىڭ پرەزيدەنتى نازيا جويامەرگەن سالالىق جۋرناليستيكانى دامىتۋ, جاساندى ينتەللەكتىڭ قولدانىلۋى, ءجۋرناليستىڭ الەۋمەتتىك جاۋاپكەرشىلىگى ماسەلەلەرىنە توقتالدى.
تۇركيانىڭ ەۋرازيالىق مادەنيەت جانە سپورت ىنتىماقتاستىعى قاۋىمداستىعىنىڭ پرەزيدەنتى احمەت ءتۇزۇن ءال-فارابي اتىنداعى قازۇۋ جۋرناليستيكا فاكۋلتەتىنىڭ ستۋدەنتتەرىنە تۇركيانىڭ ءىرى بۇقارالىق اقپارات قۇرالدارىندا تاعىلىمدامادان ءوتىپ, كاسىبي ءبىلىمى مەن تاجىريبەسىن ارتتىرۋعا قولداۋ كورسەتەتىندىگىن ءبىلدىردى.
قىسقى مەكتەپ جۋرناليستيكا فاكۋلتەتىندە 5 ناۋرىزعا دەيىن گيبريدتىك فورماتتا جالعاسادى.
نازگۇل شىڭعىسوۆا,
ءال-فارابي اتىنداعى قازۇۋ,
يۋنەسكو-نىڭ جۋرناليستيكا جانە كوممۋنيكاتسيا كافەدراسىنىڭ مەڭگەرۋشىسى
