فوتو: muftyat.kz
فورۋمعا مەملەكەتتىك كەڭەسشى ەرلان قارين, مادەنيەت جانە اقپارات ۆيتسە-ءمينيسترى قانات ىسقاقوۆ, حالىقپەن تىعىز بايلانىسىپ جۇمىس ىستەپ جۇرگەن ەلىمىزگە تانىمال ۋاعىزشىلار, رەسپۋبليكالىق قالالار مەن وبلىستاردىڭ باس يمامدارى, رانت مۇشەلەرى قاتىستى.
«يمام – قوعامدى تاربيەلەۋشى تۇلعا, اعارتۋشى ۇستاز. وتانشىل, اماناتقا ادال, ادامگەرشىلىگى مول يماندى ۇرپاق تاربيەلەۋدە يمامنىڭ اتقاراتىن ءرولى ەرەكشە. اللاعا شۇكىر, حالقىمىزدىڭ رۋحاني دامۋىنا, قوعامدا وتباسى قۇندىلىعىنىڭ ارتۋىنا اعارتۋشى ۇستازدار مەن ءدىن قىزمەتكەرلەرى ۇلكەن ۇلەس قوسىپ كەلەدى.
بۇل رەتتە جاماعاتقا دانالىق جولمەن ناسيحات ايتۋدىڭ ماڭىزى ايىرىقشا. اللا تاعالا قاسيەتتى كىتابىمىز قۇراندا «ناحىل» سۇرەسىنىڭ 125-اياتىندا: «راببىڭنىڭ جولىنا دانالىقپەن ءارى جانعا جاعىمدى ۋاعىز-ناسيحات ايتۋ ارقىلى شاقىر! سونداي-اق اللا جولىندا كۇرەسۋ نەمەسە ءسوز تالاستىرۋ كەرەك بولعاندا ءاردايىم ءسوز بەن ءىس-ارەكەتتىڭ ەڭ جاقسىسىن تاڭدا...» دەپ ءامىر ەتكەن.
بۇگىنگى رەسپۋبليكالىق ۋاعىزشىلار فورۋمىندا ءدىن قىزمەتكەرلەرىنە «ۋاعىز ايتۋدىڭ ادەبى مەن مادەنيەتى» قۇجاتى تانىستىرىلدى.
باستى ماقساتىمىز – بابالار سالعان سارا جولمەن ءدىن مەن ءداستۇر ساباقتاستىعىن دارىپتەپ, ساليقالى ءومىر سالتىن قالىپتاستىرۋ. اللا تاعالا يگى باستامالارىمىزعا بەرەكە, حالقىمىزعا اماندىق, كەڭ بايتاق جەرىمىزگە تىنىشتىق پەن تۇراقتىلىق ءناسىپ ەتكەي», دەدى باس ءمۇفتي ناۋرىزباي قاجى تاعان ۇلى.
