جۇزدەسۋگە حالىقارالىق ۇيىمنىڭ قازاقستانداعى تۇراقتى وكىلى اندرەي ميحنەۆتەن وزگە الەۋمەتتىك قورعاۋ, ادامي كاپيتالدى دامىتۋ جونىندەگى ماماندارى دا قاتىستى.
تامارا دۇيسەنوۆا قازاقستان ۇكىمەتى مەن دۇنيەجۇزىلىك بانك اراسىنداعى ارىپتەستىك قاتىناسقا وڭ باعا بەرىپ, حالىقتى الەۋمەتتىك قورعاۋ سالاسىندا اتقارىلىپ جاتقان شارالار تۋرالى ايتتى. ۆيتسە-پرەمەر الەۋمەتتىك قورعاۋ, ءبىلىم بەرۋ جانە دەنساۋلىق ساقتاۋ سالالارىن دامىتۋ ىسىندە ادىستەمەلىك, تەحنيكالىق تۇرعىدا بىرلەسە جۇمىس اتقارۋعا شاقىردى.
دۇنيەجۇزىلىك بانكتىڭ ەۋروپا مەن ورتالىق ازياداعى الەۋمەتتىك قورعاۋ تاجىريبەسىنىڭ جەتەكشىسى پاولو بەللي ەلىمىزدەگى الەۋمەتتىك تولەمدەردى تاعايىنداۋ مەن بەرۋدەگى تسيفرلاندىرۋ ءۇردىسىن ەرەكشە اتاپ ءوتتى. ونىڭ پىكىرىنشە, بۇل تاجىريبەنى وزگە ەلدەردە پايدالانۋعا بولادى.
حالىقارالىق ۇيىم وكىلدەرى الداعى ۋاقىتتا الەۋمەتتىك قورعاۋ جۇيەسى مەن باعدارلامالاردى, زەينەتاقى ساياساتىن دامىتۋعا, ارىپتەستىك قارىم-قاتىناس دەڭگەيىن جوعارىلاتۋعا مۇددەلى ەكەندەرىن جەتكىزدى.
