فوتو: gov.kz
جوبا شەڭبەرىندە جۇمىسقا ورنالاسقانداردىڭ ەڭ كوبى اقتوبە (104 ادام) جانە الماتى (39 ادام) وڭىرلەرىندە, سونداي-اق جەتىسۋ وبلىسىندا (39 ادام) تىركەلدى.
«ۇرپاقتار كەلىسىمشارتىنا» تەحنيكالىق جانە كاسىپتىك, ورتا ءبىلىم ءھام جوعارى وقۋ ورنىنان كەيىنگى ءبىلىم بەرۋ باعدارلامالارى بويىنشا وقۋدى اياقتاعاننان كەيىن 3 جىل ىشىندە 35 جاستان اسپاعان جۇمىسسىز ازاماتتار قاتىسا الادى. جوباعا قاتىسۋ ءۇشىن مانساپ ورتالىعىنا ءوتىنىش جازۋى ءتيىس.
جوبا بويىنشا وقۋ ورىندارىنىڭ تۇلەكتەرىنە ارنالعان جۇمىس ورىندارى ولار يگەرگەن كاسىپ نەمەسە سوعان ۇقساس ماماندىق بويىنشا قۇرىلادى. جۇمىس بەرۋشى جوباعا قاتىسۋشىلارعا كاسىبي ءبىلىمى مەن جۇمىس تاجىريبەسىمەن ءبولىسۋ ءۇشىن تالىمگەردى بەكىتەدى.
جوبانى قارجىلاندىرۋدى ەڭبەك موبيلدىلىگى ورتالىعى جۇمىس بەرۋشى ۇسىنعان اي سايىنعى مالىمەتتەر نەگىزىندە جۇزەگە اسىرادى. سۋبسيديالاردىڭ ايلىق مولشەرى (سالىقتاردى, مىندەتتى الەۋمەتتىك اۋدارىمداردى, پايدالانىلماعان ەڭبەك دەمالىسى ءۇشىن وتەماقىلاردى جانە ەكولوگيالىق ۇستەمەاقىلار بويىنشا تولەمدەردى ەسەپتەمەگەندە بانك قىزمەتتەرىن ەسكەرە وتىرىپ) 30 ايلىق ەسەپتىك كورسەتكىش بولادى. جالاقىنى سۋبسيديالاۋ مەرزىمى 6 ايدان اسپايدى», دەپ جازىلعان اقپاراتتا.
