سايران كولى دە بىلتىر عانا قالا بيلىگىنىڭ تىكەلەي ارالاسۋىمەن تازارتىلعان ەدى. سەبەبى تۇرعىندار تاراپىنان شىرىگەن تۇنبا مەن قامىستىڭ مۇڭكىگەن يىسىنە شاعىم كوبەيىپ كەتكەن-ءدى. سونىمەن كولدىڭ ءتۇبى مەن جاعاسىنان 140 مىڭ تەكشە مەتردەن اسا قوقىس پەن لاي شىعارىلدى.
سايران كولى قالا تۇرعىندارى سەرۋەندەيتىن سۇيىكتى ورىن بولسا, الماتىلىقتار كەيىنگى ۋاقىتتا كولدە بالىقتار پايدا بولا باستاعانىن, جاعالاۋدا بالىق اۋلاپ جۇرگەن قۇستاردى بايقاعانىن ايتىپ جۇرگەن-ءدى.
ال تاياۋدا فوتوگراف دميتري دوتسەنكوعا اققۇتاننىڭ كوكباس بالىقتى اۋلاپ تۇرعانىن سۋرەتكە ءتۇسىرىپ الۋدىڭ ءساتى ءتۇسىپتى. «بۇل ءبىزدىڭ الاتاۋدىڭ ەندەميك-بالىعى بولعاندىقتان, مەن وتە قۇندى سۋرەت ءتۇسىردىم دەپ ويلايمىن. ويلاپ قاراڭىزشى, 2024 جىلى – وسى زاماندا ەكى ميلليون تۇرعىنى بار مەگاپوليستىڭ قاق ورتاسىندا ەندەميك ناعىز جابايى تابيعاتتى كورە الاسىز. بۇل عاجاپ قوي, ونى قورعاۋ كەرەك», – دەيدى الماتىلىق فوتوگراف Instagram پاراقشاسىندا.
اۋەجاي كولى قالانىڭ تومەنگى تۇركسىب اۋدانىندا ورنالاسقان. سۋ قويماسىنىڭ تولىمدىلىعى –1 250 000 تەكشە مەتر, ورتاشا تەرەڭدىگى شامامەن – 8 مەتر. ونىڭ دا جاعاسىنا كۇنىنە مىڭنان اسا ادام كەلەدى.
قازىرگى تاڭدا كولگە زەرتتەۋ جۇرگىزىلىپ, جوباسى تۇزەتىلىپ جاتىر. سۋ ايدىنى تولىق قۇرعاتىلعاننان كەيىن, وسى جىلدىڭ ەكىنشى توقسانىندا وعان 3 شىنجىر تاباندى ەكسكاۆاتور, 1 تيەگىش, 25 ساموسۆال مەن 35 جۇمىسشى جۇمىلدىرىلادى.
رەزەرۆۋاردى مەحانيكالىق تازارتۋ سۋدى تولىعىمەن توگىپ تاستاعاننان كەيىن عانا ىسكە اسقان, ول بۇرىن-سوڭدى اۋەجاي كولىندە جاسالماعان.
بيىل الماتى اكىمدىگى اۋەجاي كولىنە قوسا قاراسۋ كولىن تازارتۋدى جالعاستىرادى.
الماتى
