تابيعاتتىڭ توسىن مىنەزىنە قارسى تۇرا الماي, قالىڭ قاردا قالعان ادامداردى قۇتقارۋعا اۋىل ازاماتى المات قازىباەۆ ءوزىنىڭ جەكە تەحنيكاسىمەن كەلىپ, جولدى اشىپ, ۇسىككە ۇرىندىرماي امان الىپ شىققانىنا ساياحاتشىلار ريزاشىلىعىن جاۋدىردى.
قيىن-قىستاۋ شاقتا قولۇشىن بەرۋگە دايار تۇراتىن المات تاستان ۇلىن رايىمبەك اۋدانىنىڭ اكىمى بەرىك دۇيسەنباەۆ العىسحاتپەن ماراپاتتادى.
«اۋا رايىنىڭ قولايسىزدىعىنان جولدا قالعان ساياحاتشىلاردى قار قۇرساۋىنان شىعارۋ ءۇشىن تەحنيكاسى بار ازاماتتار قاجەت بولدى. «ەردىڭ ەرلىگى سىن ساعاتتا تانىلادى» دەمەكشى, ءوزىڭىزدىڭ جەكە تەحنيكاڭىزبەن قارلى بۇرقاسىنعا قاراماي, باسىڭىزدى قاتەرگە تىگە وتىرىپ, قار قۇرساۋىندا قالعان ادامداردى قۇتقارۋعا جولعا شىقتىڭىز. ءسىزدىڭ جاۋاپكەرشىلىكپەن اتقارعان جۇمىسىڭىزدىڭ ارقاسىندا 18 ادام وتباسىنا امان-ەسەن ورالدى. بۇل ارەكەتىڭىزبەن ءوزىڭىزدىڭ ناعىز ەر ازاماتقا ءتان باتىلدىعىڭىزدى كورسەتتىڭىز. سىزگە توتەنشە جاعداي كۇنى ادامداردى امان الىپ قالۋ جولىندا كورسەتكەن ەرەن ەڭبەگىڭىز ءۇشىن العىس بىلدىرەمىن», دەدى اۋدان اكىمى.
ادامگەرشىلىكتىڭ ۇلگىسىن كورسەتكەن اۋىل ازاماتىنىڭ بۇل باتىلدىعى مەن تاباندىلىعى تالايعا ونەگە دەر ەدىك.
الماتى وبلىسى
