البەرۆيلدە كسرو-نىڭ قۇرامىندا بولعان مەملەكەتتىڭ وكىلدەرى تۇتاس كوماندا رەتىندە سوڭعى رەت جارىس جولىنا شىقتى. حالىقارالىق وليمپيادا كوميتەتىنىڭ (حوك) تۋى استىندا ونەر كورسەتكەن تمد قۇراماسى اتالعان جارىستىڭ جالپى ەسەبىندە ەكىنشى ورىندى يەلەندى. ولار 9 التىن, 6 كۇمىس جانە 5 قولاعا قول جەتكىزدى. كوش باسىندا – گەرمانيا. نەمىستەر 10 التىن, 10 كۇمىس جانە 9 قولانى ولجالادى. سونداي-اق نورۆەگيا (9+6+5), اۋستريا (6+7+8) جانە اقش (5+4+2) ۇزدىك بەستىكتىڭ قاتارىنا قوسىلدى.
1988 جىلى كالگاري وليمپياداسىندا ءۇش رەت (2 كۇمىس, 1 قولا) جەڭىس تۇعىرىنا كوتەرىلگەن قازاقستاننىڭ اتاقتى شاڭعىشىسى ۆلاديمير سميرنوۆتىڭ فرانتسياداعى جارىستا جولى بولمادى.
