فوتو: akorda.kz
ەرلان قارين اتاپ وتكەندەي, زاڭ جوباسىندا تۇرمىستىق زورلىق-زومبىلىق ماسەلەلەرىن شەشۋدىڭ جان-جاقتى تاسىلدەرى قاراستىرىلعان. ول اتالعان قۇجات پرەزيدەنتتىڭ بىلتىرعى كۇزدە جاريالاعان جولداۋىن جۇزەگە اسىرۋ اياسىندا ازىرلەنگەنىن ەسكە سالا كەتتى.
«جالپى, وسى جوباعا سايكەس ءتۇرلى زاڭ اكتىلەرىنە 70 تۇزەتۋ ەنگىزۋ كوزدەلىپ وتىر. سونىڭ ىشىندە, وتباسىلارعا كومەك كورسەتۋ ينفراقۇرىلىمىن قالىپتاستىرۋعا باعىتتالعان وزگەرىستەردى, سونداي-اق تۇرمىس سالاسىنداعى قىلمىستار جانە بالالارعا قارسى جاسالعان زورلىق-زومبىلىقتىڭ بارلىق تۇرلەرى ءۇشىن جازانى كۇشەيتۋدى اتاپ وتۋگە بولادى.
ماسەلەن, ادامدى ۇرىپ-سوققانى, دەنساۋلىققا جەڭىل, اۋىرلىعى ورتاشا جانە اۋىر زيان كەلتىرگەنى, ازاپتاپ-قيناعانى ءۇشىن قىلمىستىق جاۋاپكەرشىلىك ەنگىزىلدى جانە كۇشەيتىلدى», دەپ جازدى مەملەكەتتىك كەڭەسشى.
ەرلان قارين تۇرمىستىق زورلىق-زومبىلىق فاكتىلەرىن انىقتاۋعا جانە الدىن-الۋعا باعىتتالعان بىرقاتار شارا كوزدەلگەنىن تىلگە تيەك ەتتى.
«زاڭ جوباسىن دەپۋتاتتار مەملەكەتتىك ورگاندارمەن, ساراپشىلار قاۋىمداستىعىمەن جانە قوعامدىق ۇيىمدارمەن بىرلەسىپ ازىرلەدى.
بۇل قۇجاتتى دايىنداۋعا بالالار قۇقىعى جونىندەگى ۋاكىل دينارا زاكيەۆا بەلسەنە اتسالىستى», دەپ تۇيىندەدى ەرلان قارين.
