فوتو: gov.kz
سونداي-اق اتالعان كەزدەسۋگە پايدالى قازبالار مەن باسقا دا رەسۋرستاردىڭ, سونىڭ ىشىندە سۋدىڭ ەگجەي-تەگجەيلى كارتاسىن جاساۋمەن اينالىساتىن يسپاندىق Xcalibur Smart Mapping كومپانياسىنىڭ وكىلدەرى دە قاتىستى. بۇل مالىمەتتەر جەراستى سۋلارىنىڭ ورىندارىن بارلاۋ ءۇشىن پايدالانىلۋى مۇمكىن, سونىمەن قاتار ولاردى ىزدەۋ شىعىندارىن ازايتادى.
يسپاندىق كاسىپكەرلەردىڭ ايتۋىنشا, ولاردىڭ تەحنولوگيالارى اۆستراليادا, كانادادا, اقش-تا, ەۋروپادا كەڭىنەن قولدانىلادى. سونداي-اق شەتەلدىك قوناقتار بىرلەسكەن جوبالارعا گرانتتار مەن قارجىلاندىرۋدى تارتۋ بويىنشا كومەك قىلۋعا دايىن ەكەندىكتەرىن ءبىلدىردى.
ء«بىز ەكونوميكادا جانە اۋىز سۋمەن قامتاماسىز ەتۋ باعىتىندا قايتا قالپىنا كەلەتىن جەراستى سۋلارىن پايدالانۋ ۇلەسىن جوسپارلى تۇردە ۇلعايتۋدى ماقسات ەتىپ وتىرمىز. سوندىقتان يسپانيانىڭ سۋ رەسۋرستارىن بارلاۋ تاجىريبەسى وتە پايدالى بولۋى مۇمكىن. بيىل ءبىزدىڭ مەملەكەتتەرىمىزدىڭ ستراتەگيالىق ارىپتەستىگىنە 15 جىل تولادى. سۋ – ستراتەگيالىق رەسۋرس, سوندىقتان ءبىز ەكىجاقتى ىنتىماقتاستىقتىڭ بارلىق مۇمكىن باعىتتارىن مىندەتتى تۇردە قاراستىرامىز», دەدى ۆەدومستۆو باسشىسى.
