فوتو: mazhilis_kz
«اناسىن ارداقتاعان, ارۋىن ايالاعان, اتا-اناعا قۇرمەتپەن قاراعان حالىقتىڭ وكىلىمىز. وتباسى – وتە كۇردەلى ينستيتۋت. وكىنىشكە قاراي, قازىرگى قوعامدا ءتۇرلى كەلەڭسىزدىكتەر بايقالىپ جاتىر. سولاردىڭ ساناتىندا ءوزىنىڭ ەر ازاماتىنان قورلىق كورگەن ايەل عانا ەمەس, ايەل زاتىنان قىسىم كورەتىن ەركەكتەر دە بارشىلىق. سونىمەن بىرگە ءوزىنىڭ قارتايعان شاعىندا بالالارى سوققىعا جىعاتىن قارت اتا-انالار دا جەتەرلىك. ءبىز «اكەممەن اقىلداسايىن, اكەمنەن سۇرايىن» دەگەن تۇسىنىگى بار بۋىن ەدىك. قازىر «انام بىلەدى, انامنان سۇرانايىن, انام شەشەدى» دەيتىن بالالار كوبەيىپ بارا جاتىر.
كەشە عانا قاراعاندىدا بولعان 78 جاستاعى كەيۋانانى ءوزىنىڭ ۇلى ۇرىپ-قورلاۋ دەرەگى بىلەگىنەن ءال كەتىپ, بويىنان قۋات كەتكەن شاعىندا تۋعان بالاسىنان زورلىق-زومبىلىق كورەتىن اتا-انالار دا كوبەيىپ بارا جاتقانىن ايقىندايدى. سوندىقتان قوعامداعى ەر ازاماتتاردىڭ جانە اتا-انالاردىڭ قۇقىعىن قورعاۋ ماسەلەسى شەشىمىن تابۋى ءتيىس», دەدى ا.ءالتاي.
دەپۋتات ءوز ساۋالىندا مادەنيەت جانە اقپارات مينيسترلىگىنىڭ وكىلىنەن اقپاراتتىق كەڭىستىكتە قازاقتىڭ جىگىتتەرىن, ەر ازاماتتارىن ەز ەتىپ بەينەلەيتىن, قورقاق, جالتاق ەتىپ سيپاتتايتىن ءتۇرلى كونتەنتتەردىڭ ارتۋى, كومەديالىق جانرداعى فيلمدەردىڭ كوبەيۋى نەنىڭ اسەرى ەكەنىن سۇرادى.
