فوتو: bulak.kg
جاراتۋشى يەمىز ورازا كەزىندە پەندەلەرىنە كەيبىر جاعدايدا ورازا ۇستاماۋعا رۇقسات ەتكەن. سونىڭ ءبىرى - ەگەر ادام الىس ساپارعا شىعاتىن بولسا, سول كەزدە ورازا ۇستاۋ مىندەت بولىپ ەسەپتەلمەيدى.
«الىس جولعا (شامامەن 90 شاقىرىم) شىققان جولاۋشىعا رامازان ايىندا ورازا تۇتپاۋعا رۇقسات ەتىلەدى. اللا تاعالا قۇراندا بىلاي دەيدى: «سەندەردەن كىم اۋرۋ نەمەسە جولاۋشى بولسا, باسقا كۇندەردە وتەسىن», دەپ جازىلعان ءمۇفتياتتىڭ جاۋابىندا.
دەگەنمەن, ەگەر كىمدە كىمنىڭ ورازا ۇستاۋعا قاۋقارى جەتسە, اۋزىن اشقاننان گورى ورازاسىن جالعاستىرا بەرگەنى ابزال.
وسى تۇرعىدا تاعى ءبىر ەسكەرەتىن جايت, تاڭ نامازى ۋاقىتى كىرگەننەن كەيىن جولعا شىققان ادام سول كۇنگى ورازاسىن بۇزباي, سوڭىنا دەيىن ۇستاۋى ءتيىس. سەبەبى, اللا تاعالا: «ىزگى ىستەرىڭدى زايا كەتىرىپ جۇرمەڭدەر» دەپ بۇيىرعان.
