فوتو: baq.kz
بۇل شەشىم – وتە ورىندى. ويتكەنى جاستارعا وزگەرىستەردىڭ باستاۋىندا تۇرۋعا ءتيىس. ال رەفورمالاردى قاۋىرت قولعا الىپ, جۇزەگە اسىرۋعا بەلسەنە اتسالىسسا, ءتىپتى قۇبا-قۇپ.
قازىردىڭ وزىندە رەزەرۆتەگى ماماندار مەملەكەتتىك قىزمەت پەن باسقارۋ جۇيەسىنە بەلسەندى ارالاسىپ كەلەدى. ايتالىق, بۇگىندە جۇمىسقا قابىلداۋدىڭ ءۇش تولقىنىندا 400 جاس مامان رەزەرۆكە الىندى. ولار 20 مىڭنان استام ۇمىتكەردىڭ اراسىنان ىرىكتەلدى. 367 رەزەرۆشى ورتالىق جانە جەرگىلىكتى مەملەكەتتىك ورگانداردا جۇمىس ىستەيدى, سونىمەن قاتار ساياسي قىزمەتتەر دە اتقارادى.
وسى ورايدا پجكر مۇشەلىگى قانداي دا ءبىر ارتىقشىلىقتار بەرمەيتىنىن ەستە ۇستاۋىمىز كەرەك. بۇل تەڭگەرىم مەملەكەتتىك قىزمەتتە بەلگىلى ءبىر لاۋازىمدى اتقارۋعا ۇمىتكەرلەرگە قويىلاتىن بىلىكتىلىك تالاپتارى جۇيەسىنە بايلانىستى ورىن الىپ وتىر. كوبىنە تالاپتار تومەنگى لاۋازىمدارداعى نەمەسە بيۋدجەتتىك ۇيىمدارداعى مەملەكەتتىك قىزمەتتەگى جۇمىس وتىلىنە قاتىستى. بۇل تالاپ جەكە سەكتوردان كادرلار تارتۋعا كەدەرگى بولىپ وتىر. دەگەنمەن پجكر مۇشەلىگى مەملەكەتتىك قىزمەتتىڭ جەكەلەگەن ساناتتارى مەن لاۋازىمدارىنا ءوزىن ۇسىنۋعا قۇقىق بەرەدى.
ەگەر جاستىڭ كاسىپتىك ءبىلىمى, وزىق بىلىكتىلىگى جانە ءوز سالاسىندا مول تاجىريبەسى بولسا, ونى ءتۇرلى دەڭگەيدەگى مەملەكەتتىك باسقارۋ جۇيەسىنە تارتۋ ورىندى. مامانداردى باعالاۋدىڭ بۇل ءتاسىلى بۇكىل الەمدە بۇرىننان قولدانىلىپ كەلەدى.
پجكر جۇيەسى ناقتى ماسەلەلەردى شەشۋ ءۇشىن قاجەتتى مامانداردى تارتۋعا مۇمكىندىك بەرەدى. قازىردىڭ وزىندە وڭتۇستىك كورەيادان ينۆەستورلار تارتۋ, قازاقستاننىڭ تۋريستىك تارتىمدىلىعىن ارتتىرۋدا تابىستى تاجىريبە بار – مۇنىڭ بارلىعىنا ناقتى وسى رەزەرۆشىلەر جۇمىسىنىڭ ارقاسىندا قول جەتكىزىلدى.
دارىندى جاس ماماندارعا ارنالعان كادرلىق رەزەرۆ جاڭا بۋىن كوشباسشىلارىن قالىپتاستىراتىن الەۋمەتتىك باسپالداق بولا الادى. ازىرگە ولاردىڭ الدىندا مەملەكەتتىك باسقارۋ جۇيەسىنە يننوۆاتسيالار ەنگىزۋ, مەملەكەت الدىندا تۇرعان مىندەتتەرگە قول جەتكىزۋ ءۇشىن تۇجىرىمدامالىق جاڭا كوزقاراس پەن دۇنيەتانىمدى قالىپتاستىرۋ مىندەتى تۇر.
ەرمەك توقتاروۆ,
پرەزيدەنت جانىنداعى قسزي ستراتەگيالىق تالداۋ باسقارماسىنىڭ باسشىسى
